അമരാവതി: മുൻ ഇന്ത്യൻ ക്രിക്കറ്റ് താരം അമ്പാട്ടി റായിഡു വൈഎസ്ആർ കോൺഗ്രസിൽ ചേർന്നു. ആന്ധ്രാപ്രദേശ് മുഖ്യമന്ത്രി വൈഎസ് ജഗൻമോഹൻ റെഡ്‌ഡിയുടെ സാന്നിധ്യത്തിൽ വിജയവാഡയിലെ ഓഫീസിൽ വെച്ചായിരുന്നു പാർട്ടി പ്രവേശനം. ഉപമുഖ്യമന്ത്രി നാരായണ സ്വാമിയും എംപി മിഥുൻ റെഡ്‌ഡിയും ചടങ്ങിൽ പങ്കെടുത്തു.
ലോക്‌സഭാ തിരഞ്ഞെടുപ്പിൽ വൈഎസ്ആർസിപിയുടെ ബാനറിൽ അമ്പാട്ടി മൽസരിച്ചേക്കുമെന്നാണ് സൂചന. ഗുണ്ടൂർ സ്വദേശിയായ അമ്പാട്ടി റായിഡു 2023ൽ ഐപിഎല്ലിന് ശേഷമാണ് ക്രിക്കറ്റിൽ നിന്ന് വിരമിച്ചത്. അന്താരാഷ്‌ട്ര ക്രിക്കറ്റിൽ നിന്ന് 2019ൽ വിരമിച്ചിരുന്നു. കഴിഞ്ഞ ഐപിഎൽ സീസണൊടുവിൽ ജൂണിൽ തന്നെ രാഷ്‌ട്രീയത്തിൽ പ്രവേശിക്കാനുള്ള ആഗ്രഹം റായിഡു തുറന്ന് പറഞ്ഞിരുന്നു. ഇതിന്റെ ഭാഗമായി ആന്ധ്രയിലെ വിവിധ ജില്ലകളിൽ നേരിട്ട് സന്ദർശനം നടത്തി ജനങ്ങളെ അലട്ടുന്ന പ്രശ്‌നങ്ങൾ അടുത്തറിയാൻ റായിഡു ശ്രമിച്ചിരുന്നു.
Most Read| ഖത്തറിൽ തടവിൽ കഴിയുന്ന ഇന്ത്യൻ മുൻ നാവിക ഉദ്യോഗസ്‌ഥരുടെ വധശിക്ഷ റദ്ദാക്കി
