കൊച്ചി: ആരാധകര്‍ക്ക് ഉറക്കമില്ലാത്ത രാത്രി സമ്മാനിച്ച ബ്ലാസ്റ്റേഴ്സ് തങ്ങളുടെ ഏറ്റവും മികച്ച സൈനിങ് പുറത്തുവിട്ടു. സ്‌പാനിഷ്‌ മിഡ്‌ഫീൽഡർ
വിന്‍സെന്റെ ഗോമസിനെയാണ് ബ്ലാസ്റ്റേഴ്സ് സൈന്‍ ചെയ്‌തത്‌. ഡിഫന്‍സീവ് മിഡ്‌ഫീൽഡർ പൊസിഷനു പുറമെ സെന്‍ട്രല്‍ മിഡ്‌ഫീൽഡർ ആയും അറ്റാക്കിങിലും കളിക്കാന്‍ കഴിവുള്ള താരമാണ് വിന്‍സെന്റെ ഗോമസ്.
From playing with some of football’s greatest, the Canary is back in yellow! ?@vicente4gomez is #YennumYellow ??#SwagathamVicente pic.twitter.com/AZ0zoiWE7w
— K e r a l a B l a s t e r s F C (@KeralaBlasters) September 23, 2020
ആറരക്കോടിയിലേറെ രൂപ മാര്‍ക്കറ്റ് വാല്യൂവുള്ള വിസെന്റെ ഗോമസിനു 3 വര്‍ഷത്തെ കരാര്‍ ആണ് കേരള ബ്ലാസ്റ്റേഴ്സ് നല്‍കിയിരിക്കുന്നത്.
സ്‌പാനിഷ്‌ സെഗുണ്ട ലീഗിലെ ഡിപ്പാര്‍ട്ടീവ ലാ കൊരുണയിലാണ് ഗോമസ് കളിച്ചു കൊണ്ടിരുന്നത്. 2 സീസണുകളില്‍ ആയി കോപ്പ ഡെല്‍ റെയ് മത്സരമുള്‍പ്പടെ 60 മത്സരങ്ങളില്‍ ആണ് വിൻസെന്റെ ഗോമസ് ഡിപ്പാര്‍ട്ടീവ ലാ കൊരുണ ജേഴ്‌സിയില്‍ കളിക്കാനിറങ്ങിയത്.
വന്‍ തുകയാണ് താരത്തെ ടീമില്‍ എത്തിക്കാന്‍ ബ്ലാസ്റ്റേഴ്സ് എസ്‌ഡി കരോളിസ് സ്‌കിന്‍കിസ് മുടക്കിയതെന്ന് റിപ്പോര്‍ട്ടുകളുണ്ട്.
സെര്‍ജിയോ സിഡോഞ്ച, ഫക്കുണ്ടോ പെരേര എന്നിവരാണ് നിലവില്‍ ടീമിലെ വിദേശ താരങ്ങള്‍. ഇവര്‍ക്കൊപ്പം ഗോമസും ചേരുന്നതോടെ ടീം അടിമുടി മാറും.
