കൊല്ലം: ശാസ്‌താംനടയിൽ സ്‌ത്രീധന പീഡനത്തെ തുടർന്ന് മരിച്ച വിസ്‌മയയുടേത് തൂങ്ങി മരണമാണെന്ന് പ്രാഥമിക പോസ്‌റ്റുമോർട്ടം റിപ്പോർട്. എന്നാൽ ഇത് പ്രാഥമിക നിഗമനമാണെന്നും വിശദമായ പോസ്‌റ്റുമോർട്ടം റിപ്പോർട് ലഭിച്ചാൽ മാത്രമേ മരണം സംബന്ധിച്ച കൂടുതൽ വിവരങ്ങൾ വ്യക്‌തമാവുകയുള്ളു എന്നും കൊല്ലം റൂറൽ എസ്‌പി അറിയിച്ചു.
ഓരോ ചെറിയ കാര്യങ്ങൾ പോലും പരിശോധിക്കേണ്ടതുണ്ട്. അന്വേഷണം നടക്കുന്നത് ശരിയായ രീതിയിലാണ്. പ്രതിയെ കോടതിയിൽ ഹാജരാക്കിയ ശേഷം കസ്‌റ്റഡിയിൽ വിട്ടുകിട്ടാൻ അപേക്ഷ നൽകും. വിശദമായ തെളിവെടുപ്പ് ഉൾപ്പടെ നടത്തുമെന്നും റൂറൽ എസ്‌പി അറിയിച്ചു. അതേസമയം, കേസ് അന്വേഷണത്തിന്റെ മേൽനോട്ടം ഐജി ഹർഷിത അട്ടല്ലൂരിയെ ഏൽപ്പിച്ചതായി സംസ്‌ഥാന പോലീസ് മേധാവി ലോക്നാഥ് ബെഹ്റ അറിയിച്ചു. ഇതുസംബന്ധിച്ച് ഐജിക്ക് നിർദ്ദേശം നൽകിയിട്ടുണ്ടെന്നും ലോക്നാഥ് ബെഹ്റ പറഞ്ഞു.
Read also: ഇളവുകളില്ല; സംസ്ഥാനത്ത് ലോക്ക്ഡൗൺ നിയന്ത്രണങ്ങൾ ഒരാഴ്‌ച കൂടി തുടരും
