എറണാകുളം: തൃക്കാക്കര മണ്ഡലത്തിലെ ഉപതിരഞ്ഞെടുപ്പിൽ കനത്ത പോളിംഗ് രേഖപ്പെടുത്തുന്നു. വോട്ടിംഗ് ആരംഭിച്ച് 4 മണിക്കൂർ പിന്നിടുമ്പോൾ പോളിംഗ് ശതമാനം പിന്നിട്ടു. രാവിലെ 7 മണിക്ക് വോട്ടിംഗ് ആരംഭിച്ചത് മുതൽ എല്ലാ ബൂത്തുകളിലും കനത്ത തിരക്കാണ് അനുഭവപ്പെടുന്നത്.
സിനിമ താരങ്ങളും, രാഷ്‌ട്രീയ നേതാക്കളും ഉൾപ്പടെ ഉള്ളവർ ബൂത്തുകളിൽ വോട്ട് രേഖപ്പെടുത്താൻ എത്തുന്നുണ്ട്. നടനും സംവിധായകനുമായ ലാൽ കുടുംബത്തോടൊപ്പം വോട്ട് ചെയ്യാൻ എത്തിയിരുന്നു. പടമുഗൾ ജമാഅത്ത് റെസിഡൻഷ്യൽ സ്‌കൂളിലായിരുന്നു ലാലിനും കുടുംബത്തിനും വോട്ട്. കൂടാതെ മമ്മൂട്ടിയും ഭാര്യ സുൽഫത്തും പൊന്നുരുന്നി ഗവൺമെന്റ് എൽപി സ്‌കൂളിൽ എത്തി വോട്ട് രേഖപ്പെടുത്തി. ഒപ്പം തന്നെ തിരക്കഥാകൃത്തും, നടനുമായ രൺജി പണിക്കറും ഇതിനോടകം തന്നെ വോട്ട് ചെയ്‌തു.
Read also: എസ്എസ്എൽസി, ഹയർസെക്കഡറി ഫലം ജൂൺ 10നും 12നും പ്രഖ്യാപിക്കും; വിദ്യാഭ്യാസമന്ത്രി
