ചെന്നൈ: ഐപിഎല്‍ പതിനാലാം സീസണില്‍ നിന്ന് പിൻമാറുന്നതായി ഡെല്‍ഹി ക്യാപിറ്റല്‍സ് സ്‌പിന്നര്‍ രവിചന്ദ്രന്‍ അശ്വിന്‍. ട്വിറ്ററിലൂടെയാണ് താരം ഇക്കാര്യം അറിയിച്ചത്. കോവിഡിനെതിരെ പൊരുതുന്ന തന്റെ കുടുംബത്തിന് പിന്തുണ നല്‍കാനാണ് പിന്‍മാറ്റം എന്ന് അശ്വിൻ ട്വിറ്ററിൽ കുറിച്ചു. കാര്യങ്ങൾക്ക് നല്ല രീതിയിൽ പരിസമാപ്‌തിയായാൽ താൻ മടങ്ങി വരുമെന്ന പ്രതീക്ഷയും താരം പങ്കുവെച്ചു.
ഹോം ടൗണായ ചെന്നൈയിലെ ചെപ്പോക്കില്‍ സണ്‍റൈസേഴ്സ് ഹൈദരാബാദിനെ ക്യാപിറ്റല്‍സ് പരാജയപ്പെടുത്തിയതിന് പിന്നാലെയാണ് അശ്വിന്റെ പ്രഖ്യാപനം പുറത്തു വന്നിരിക്കുന്നത്. ഐപിഎല്ലിന്റെ ഈ സീസണിൽ നിന്നും നാളെ മുതല്‍ ഇടവേളയെടുക്കുകയാണ് എന്ന് താരം ട്വീറ്റ് ചെയ്‌തു.
I would be taking a break from this years IPL from tomorrow. My family and extended family are putting up a fight against #COVID19 and I want to support them during these tough times. I expect to return to play if things go in the right direction. Thank you @DelhiCapitals ??
— Stay home stay safe! Take your vaccine?? (@ashwinravi99) April 25, 2021
‘ഈ വര്‍ഷത്തെ ഐപിഎല്ലില്‍ നിന്ന് നാളെ മുതല്‍ ഇടവേളയെടുക്കുകയാണ്. എന്റെ കുടുംബം കോവിഡിനെതിരായ പോരാട്ടത്തിലാണ്. ഈ ദുര്‍ഘട ഘട്ടത്തില്‍ എനിക്ക് അവരെ പിന്തുണക്കേണ്ടതുണ്ട്. കാര്യങ്ങള്‍ ശരിയായ ദിശയിലായാല്‍ ഐപിഎല്ലില്‍ തിരിച്ചെത്താമെന്നാണ് പ്രതീക്ഷിക്കുന്നത്,’ അശ്വിന്‍ ട്വീറ്റ് ചെയ്‌തു. കൂടാതെ ഡെൽഹി ക്യാപിറ്റൽസിന് താരം നന്ദിയും അറിയിച്ചു.
Read Also: കോവിഡ് വ്യാപനം; മോദി സർക്കാരിനെ വിമർശിച്ച് അന്താരാഷ്‌ട്ര മാദ്ധ്യമങ്ങൾ
