പാലക്കാട്: മണ്ണാർക്കാട് കക്കുപ്പടി ഊരിനടുത്തുള്ള പുഴയിൽ നിന്നും എക്സൈസ് സംഘം വാഷും ചാരായവും പിടികൂടി. ബാരലുകളിലും കുടങ്ങളിലും കന്നാസുകളിലുമായി കുഴിച്ചിട്ട നിലയിലാണ് 418 ലിറ്റർ വാഷും 20 ലിറ്റർ ചാരായവും കണ്ടെത്തിയത്.
എക്സൈസ് സർക്കിൾ ഇൻസ്പെക്ടർ ടോണി ജോസിന്റെ നേതൃത്വത്തിലാണ് പരിശോധന നടത്തിയത്. പ്രിവന്റീവ് ഓഫീസർ സൽമാൻ റസാലി, സിവിൽ എക്സൈസ് ഓഫീസർമാരായ ശ്രീജേഷ്, ജോൺസൺ, ഡ്രൈവർ അനുരാജ് എന്നിവരും എക്സൈസ് സംഘത്തിൽ ഉണ്ടായിരുന്നു.
നിയമസഭാ തിരഞ്ഞെടുപ്പിന്റെയും ശിവരാത്രി മഹോൽസവത്തിന്റെയും പശ്ചാത്തലത്തിൽ അട്ടപ്പാടിയുടെ വിവിധ ഭാഗങ്ങളിൽ അനധികൃത മദ്യവിൽപ്പനയും വ്യാജമദ്യ നിര്മാണവും വ്യാപകമാണ്. പ്രദേശത്ത് അധികൃതർ പരിശോധന ശക്തമാക്കിയിട്ടുണ്ട്.
Malabar News: ജില്ലയിലെ എൽഡിഎഫ് നിയോജക മണ്ഡലം കൺവെൻഷനുകൾ നാളെ തുടങ്ങും