തിരുവനന്തപുരം: കുട്ടികൾക്ക് എതിരായ അതിക്രമങ്ങൾ തടയാനും അവരുടെ ക്ഷേമം ഉറപ്പാക്കാനും ഒറ്റക്കെട്ടായി പ്രവർത്തിക്കണമെന്ന് ആരോഗ്യമന്ത്രി വീണാ ജോർജ്. സംസ്‌ഥാന വനിതാ ശിശുവികസന വകുപ്പിന്റെ കീഴിലുള്ള സർക്കാർ ചിൽഡ്രൻസ് ഹോമുകളിലെ ജീവനക്കാരോടായിരുന്നു മന്ത്രിയുടെ നിർദ്ദേശം.
സ്‌ത്രീകളുടെയും കുട്ടികളുടെയും സുരക്ഷക്കായി വനിതാ ശിശുവികസന വകുപ്പിന്റെ സേവനങ്ങളെ പറ്റി അവബോധം ശക്‌തിപ്പെടുത്തണമെന്നും മന്ത്രി പറഞ്ഞു. തിരുവനന്തപുരം പൂജപ്പുരയിലെ സർക്കാർ ചിൽഡ്രൻസ് ഹോം, സ്‌പെഷ്യൽ ഹോം എന്നിവിടങ്ങളിലാണ് മന്ത്രി സന്ദർശനം നടത്തിയത്.
കുറച്ച് നേരം കുട്ടികളോടൊപ്പം ചെലവഴിക്കുകയും അവരുടെ സുഖ വിവരങ്ങൾ ചോദിച്ചറിയുകയും ചെയ്‌ത മന്ത്രി ചിൽഡ്രൻസ് ഹോമിനായി നവീകരിച്ച കെട്ടിടവും അടിസ്‌ഥാന സൗകര്യങ്ങളും പരിശോധിച്ച ശേഷമാണ് മടങ്ങിയത്.
Also Read: മൂന്നാം തരംഗം ഓണത്തിന് ശേഷം; സംസ്‌ഥാനത്തെ ആറ് ജില്ലകളിൽ കർശന പരിശോധന
