ബെംഗളൂരു: കർണാടകയിൽ കൂടുതൽ ലോക്ക്ഡൗൺ ഇളവുകൾ പ്രഖ്യാപിച്ചു. സംസ്‌ഥാനത്ത് അടുത്തയാഴ്‌ച മുതൽ വാരാന്ത്യ കർഫ്യൂ ഉണ്ടായിരിക്കില്ല. എന്നാൽ രാത്രി 9 മുതൽ പുലർച്ചെ 5 വരെയുള്ള കർഫ്യൂ തുടരുമെന്നും സർക്കാർ അറിയിച്ചു.
മാളുകൾ, കടകൾ, സ്‌ഥാപനങ്ങൾ എന്നിവ കർശന നിയന്ത്രണങ്ങളോടെ തുറക്കാം. കായിക താരങ്ങൾക്ക് പരിശീലനത്തിനായി സ്‌റ്റേഡിയങ്ങൾ, പൂളുകൾ, സ്‌പോർട്‍സ് കോംപ്ളക്‌സുകൾ എന്നിവയും തുറക്കാം. വിവാഹത്തിന് നൂറു പേർക്ക് പങ്കെടുക്കാം. സ്‌കൂൾ, കോളേജ്, പൊതുചടങ്ങുകൾ, തിയേറ്ററുകൾ എന്നിവക്കുള്ള വിലക്ക് തുടരും.
നാളെ മുതൽ പൊതുഗതാഗതത്തിന് അനുമതിയുണ്ട്. എന്നാൽ, ബസുകൾക്ക് സീറ്റിൽ ഇരിക്കാവുന്ന ആളുകളെ മാത്രം കയറ്റാനേ അനുമതിയുള്ളൂ. ആരാധനാലയങ്ങൾ ദർശനത്തിനായി മാത്രം തുറക്കാൻ അനുവദിച്ചു.
Most Read: ‘റാഫേല്‍ ഇടപാടിൽ സംയുക്‌ത പാര്‍ലമെന്ററി കമ്മിറ്റി അന്വേഷണം വേണം’; കോണ്‍ഗ്രസ്
