മാഹി: കോവിഡ് വ്യാപനം രൂക്ഷമാകുന്ന പശ്ചാത്തലത്തില് പുതുച്ചേരിയില് വാരാന്ത്യ ലോക്ക്ഡൗണ് പ്രഖ്യാപിച്ചു. വെള്ളിയാഴ്ച രാത്രി 10 മണി മുതല് തിങ്കളാഴ്ച പുലര്ച്ചെ അഞ്ച് മണി വരെയാണ് ലോക്ക്ഡൗണ് പ്രഖ്യാപിച്ചിരിക്കുന്നത്.
പുതുച്ചേരിയില് ചൊവ്വാഴ്ച മുതല് രാത്രികാല കര്ഫ്യൂ പ്രഖ്യാപിച്ചിരുന്നു. ഇതിനു പിന്നാലെയാണ് ലോക്ക്ഡൗണും പ്രഖ്യാപിച്ചിരിക്കുന്നത്.
രാത്രി 10 മണി മുതല് പുലര്ച്ചെ അഞ്ച് മണി വരെയാണ് രാത്രികാല കര്ഫ്യൂ ഏർപ്പെടുത്തിയത്. രാത്രി 10 മണിക്ക് മുന്പ് കടകള് എല്ലാം അടക്കണം. ഹോട്ടലുകള്ക്ക് രാത്രി എട്ടുവരെ പ്രവര്ത്തിക്കാനാണ് അനുമതി. പ്രദേശത്തു കോവിഡ് വ്യാപനം രൂക്ഷമാകുന്ന സാഹചര്യത്തിൽ നിയന്ത്രണങ്ങൾ കടുപ്പിക്കുകയാണ് അധികൃതർ.
Read Also: ശനി, ഞായർ ദിവസങ്ങളിൽ അവശ്യ സേവനങ്ങൾ മാത്രം; സർക്കാർ സ്ഥാപനങ്ങൾക്ക് അവധി