കൊൽക്കത്ത: ബംഗാളിൽ തൃണമൂൽ എംപി അഭിഷേക് ബാനർജിയുടെ തിരഞ്ഞെടുപ്പ് റാലിക്കിടെ ബിജെപി പ്രചാരണ വാഹനം തകർത്തെന്ന് ആരോപണം. പുരുലിയയിൽ വച്ചാണ് ബിജെപി പ്രചാരണത്തിന്റെ ഭാഗമായി നടത്തുന്ന രഥയാത്രയിലെ രഥമായി ഉപയോഗിച്ച ബസ് തകർക്കപ്പെട്ടത്. ഇതേത്തുടർന്ന് സ്ഥലത്ത് സംഘർഷാവസ്ഥ തുടരുകയാണ്.
തൃണമൂൽ പ്രവർത്തകരാണ് ബസ് തകർത്തതെന്നും പ്രവർത്തകർ ബസ് ഡ്രൈവറെ മർദിച്ചതായും ബിജെപി നേതാവ് അമിത് മാളവ്യ പറഞ്ഞു. എന്നാൽ ആരോപണം തള്ളി തൃണമൂൽ നേതാക്കൾ രംഗത്തെത്തി. പുരുലിയ ജില്ലയിലെ ഒമ്പത് മണ്ഡലത്തിൽ രഥയാത്ര പര്യടനം നടത്തി മടങ്ങവേയാണ് വാഹനത്തിന് നേരെ ആക്രമണമുണ്ടായത്.
Read also: ഞങ്ങളുടെ ദൈവത്തെ തരംതാഴ്ത്തരുത്; ബിജെപിയോട് കോൺഗ്രസ്