ന്യൂഡെൽഹി: കോവിഡ് വ്യാപനം കുറഞ്ഞതോടെ പശ്‌ചിമ ബംഗാളിലും കോവിഡ് നിയന്ത്രണങ്ങൾ പിൻവലിച്ചു. ഇതോടെ ഇനിമുതൽ രാത്രി കർഫ്യൂ, വാഹന നിയന്ത്രണങ്ങൾ എന്നിവ സംസ്‌ഥാനത്ത് ഉണ്ടാകില്ല. കോവിഡ് കേസുകളിൽ ഗണ്യമായ കുറവ് ഉണ്ടായതോടെയാണ് നിയന്ത്രണങ്ങൾ പിൻവലിക്കാൻ തീരുമാനമായത്.
അതേസമയം മാസ്‌ക് ധരിക്കുന്നതിൽ സംസ്‌ഥാനത്ത് ഇളവൊന്നും നൽകിയിട്ടില്ല. മാസ്‌ക് ധരിക്കുന്നത് തുടരണമെന്നാണ് സർക്കാർ നിർദ്ദേശം നൽകിയിരിക്കുന്നത്. കോവിഡ് വ്യാപനം കുറഞ്ഞതോടെ മഹാരാഷ്‌ട്രയിലും നിയന്ത്രണങ്ങൾ പൂർണമായും പിൻവലിച്ചിരുന്നു. മാസ്‌ക് ധരിക്കുന്നതുൾപ്പടെയുള്ള നിയന്ത്രണങ്ങൾ മഹാരാഷ്‌ട്രയിൽ പിൻവലിച്ചിട്ടുണ്ട്.
വ്യക്‌തികളുടെ താൽപര്യം അനുസരിച്ച് മാസ്‌ക് ധരിച്ചാൽ മതിയെന്നും, ആൾക്കൂട്ട നിയന്ത്രണങ്ങൾ ഉണ്ടാകില്ലെന്നും മന്ത്രിസഭാ യോഗത്തിൽ തീരുമാനിച്ചതായി അധികൃതർ വ്യക്‌തമാക്കിയിരുന്നു. ശനിയാഴ്‌ച മുതലാണ് മഹാരാഷ്‌ട്രയിൽ ഈ ഇളവുകൾ പ്രാബല്യത്തിൽ വരുന്നത്.
Read also: ഗുരുവായൂരിൽ ഈ മാസത്തെ ഭണ്ഡാര വരവ് 4,06 കോടി രൂപ; 2.532 കിലോഗ്രാം സ്വർണവും
