കൊൽക്കത്ത: ഡെൽഹി സന്ദർശന വേളയിൽ പ്രധാനമന്ത്രി നരേന്ദ്ര മോദിയുമായി കൂടിക്കാഴ്‌ച നടത്തുമെന്ന് ബംഗാൾ മുഖ്യമന്ത്രി മമത ബാനർജി. ബിഎസ്എഫ് അധികാരപരിധി വർധനവുമായി ബന്ധപ്പെട്ട വിഷയവും ത്രിപുരയിലെ അക്രമങ്ങൾ സംബന്ധിച്ച പ്രശ്‌നങ്ങളും പ്രധാനമന്ത്രിക്ക് മുന്നിൽ ഉന്നയിക്കുമെന്നും മമത പറഞ്ഞു.
“എന്റെ ഡെൽഹി സന്ദർശന വേളയിൽ ഞാൻ പ്രധാനമന്ത്രിയെ കാണും. സംസ്‌ഥാനവുമായി ബന്ധപ്പെട്ട വിവിധ കാര്യങ്ങൾക്ക് പുറമെ, ബിഎസ്എഫ് അധികാരപരിധി വർധിപ്പിക്കുന്നതിനൊപ്പം ത്രിപുര അക്രമവുമായി ബന്ധപ്പെട്ട വിഷയങ്ങളും ഉന്നയിക്കും”- മമത മാദ്ധ്യമ പ്രവർത്തകരോട് പറഞ്ഞു.
അതേസമയം ത്രിപുരയിൽ പാർട്ടി പ്രവർത്തകർക്ക് നേരെയുള്ള ആക്രമണത്തിൽ പ്രതിഷേധിച്ച് ടിഎംസി എംപിമാർ നടത്തുന്ന ധർണയിൽ പങ്കെടുക്കില്ലെന്നും എന്നാൽ അവർക്ക് ഐക്യദാർഢ്യം പ്രഖ്യാപിക്കുന്നു എന്നും മമത കൂട്ടിച്ചേർത്തു. ത്രിപുരയിൽ ബിജെപി മുഖ്യമന്ത്രി ബിപ്ളബ് ദേബിന്റെ നേതൃത്വത്തിലുള്ള സർക്കാർ നടത്തുന്ന ക്രൂരമായ അക്രമസംഭവങ്ങൾക്ക് സാധാരണക്കാരോട് മറുപടി പറയേണ്ടി വരുമെന്നും മമത പറഞ്ഞു.
Read also: കാർഷിക നിയമം പിൻവലിക്കൽ; സര്‍വകക്ഷി യോഗം വിളിക്കാൻ പ്രധാനമന്ത്രി
