കണ്ണൂർ: കുറ്റ്യാടി സീറ്റ് കേരള കോൺഗ്രസ് എമ്മിന് നൽകിയ നടപടി തിരുത്തില്ലെന്ന് സിപിഎം കേന്ദ്ര കമ്മിറ്റി അംഗം എംവി ഗോവിന്ദൻ. പാർട്ടി ഒരു തീരുമാനം എടുത്താൽ അത് നടപ്പാക്കുകയാണ് പ്രവർത്തകർ ചെയ്യേണ്ടത്. വിഷയത്തിൽ സംഘടനാ തലത്തിൽ പരിഹാരം കാണും.
തോമസ് ഐസക്, ജി സുധാകരൻ, എകെ ബാലൻ തുടങ്ങിയവരെ മൽസരിപ്പിക്കേണ്ട എന്നത് പാർട്ടി കൂട്ടായി എടുത്ത തീരുമാനമാണ് . സിപിഎമ്മിനല്ലാതെ മറ്റൊരു പാർട്ടിക്ക് ഇത്തരത്തിൽ ഒരു തീരുമാനം എടുക്കാൻ സാധിക്കില്ലെന്നും അദ്ദേഹം പറഞ്ഞു.
എന്നാൽ രണ്ടാം തവണയും അണികൾ പാർട്ടി തീരുമാനത്തെ ചോദ്യം ചെയ്‌ത്‌ പ്രകടനം നടത്തിയതോടെ പാർട്ടി നേതൃത്വം നിലവിൽ പ്രതിസന്ധിയിൽ ആയിരിക്കുകയാണ്. തിങ്കളാഴ്‌ചത്തെ പ്രകടനത്തെ വലിയ ഗൗരവമായി എടുത്തിരുന്നില്ലെങ്കിലും ബുധനാഴ്‌ച ആയിരത്തിലേറെ പങ്കെടുത്ത പ്രകടനം നടന്നതോടെ നേതൃത്വം പകച്ചു. ഇന്നലെ രാത്രി തന്നെ ഉന്നത നേതൃത്വം ഇടപെട്ട് അനുനയ ശ്രമങ്ങൾ തുടങ്ങുകയും ചെയ്‌തിരുന്നു.
Read also: പ്രതിഷേധത്തിൽ പകച്ച് സിപിഎം; കുറ്റ്യാടിയിൽ സീറ്റ് തിരിച്ചെടുക്കാൻ ആലോചന
