ദോഹ: മുന്‍ താരം സാവി ഹെര്‍ണാണ്ടസ് ബാഴ്‌സലോണയുടെ പുതിയ പരിശീലകനാകും. ലാ ലിഗയില്‍ ടീമിന്റെ മോശം പ്രകടനത്തെ തുടര്‍ന്ന് ക്ളബ് പുറത്താക്കിയ റൊണാള്‍ഡ് കൂമാന് പകരമാണ് ബാഴ്‌സയുടെ മുന്‍ മിഡ്‌ഫീല്‍ഡ് ജനറലായ സാവി ടീമിന്റെ മുഖ്യ പരിശീലകനായി ചുമതലയേല്‍ക്കുന്നത്.
നിലവില്‍ ഖത്തര്‍ ക്ളബായ അല്‍ സാദിന്റെ പരിശീലകനാണ് സാവി. ബാഴ്‌സയിലേക്ക് പോവാന്‍ അല്‍ സാദ് സമ്മതം അറിയിച്ചതോടെയാണ് സാവി തിരിച്ചെത്തുമെന്ന് ഉറപ്പായത്. വൈകാതെ ഔദ്യോഗിക പ്രഖ്യാപനം ഉണ്ടായേക്കും.
Turki Al-Ali: The #AlSadd administration has agreed on Xavi’s move to Barcelona after the payment of the release clause stipulated in the contract. We’ve agreed on cooperation with Barcelona in the future. Xavi is an important part of Al-Sadd’s history and we wish him success. pic.twitter.com/3FvCOdYl5X
— ? #76 Al Sadd SC | نادي السد (@AlsaddSC) November 5, 2021
കരാര്‍ പ്രകാരമുള്ള റിലീസ് തുക നല്‍കിയാണ് സാവി അല്‍ സാദ് വിടുന്നത്. ഭാവിയില്‍ ബാഴ്‌സയുമായി സഹകരിക്കാന്‍ താല്‍പര്യമുണ്ടെന്നും അല്‍ സാദിന്റെ അവിഭാജ്യഘടകമായ സാവിക്ക് എല്ലാവിധ ഭാവുകങ്ങളും നേരുന്നുവെന്നും ഖത്തർ ക്ളബ് ട്വീറ്റ് ചെയ്‌തു.
കൂമാനെ പുറത്താക്കിയതിന് പിന്നാലെ ടീമിന്റെ ചുമതല ഏറ്റെടുക്കാനുള്ള സന്നദ്ധത സാവി അറിയിച്ചിരുന്നു. ക്ളബ് പ്രതിസന്ധിയില്‍ നില്‍ക്കുമ്പോള്‍ സഹായിക്കേണ്ടത് തന്റെ കടമയാണെന്നും സാവി വ്യക്‌തമാക്കിയിരുന്നു.
Read Also: ദീപാവലി ഉൽസവ സീസൺ; നടന്നത് 1.23 ലക്ഷം കോടിയുടെ കച്ചവടം
