ന്യൂഡെൽഹി: ടൂള് കിറ്റ് കേസില് അറസ്റ്റിലായ പരിസ്ഥിതി പ്രവര്ത്തക ദിഷാ രവിയെ പിന്തുണച്ച് തൃണമൂല് കോണ്ഗ്രസ് നേതാവ് മഹുവ മൊയ്ത്ര. ദിഷാ രവിക്ക് ഖലിസ്ഥാന് സംഘടനകളുമായി ബന്ധമുണ്ടെന്നും ആഗോളതലത്തിൽ രാജ്യത്തെ അപകീർത്തിപ്പെടുത്താനുളള ഗൂഢാലോചനയിൽ പങ്കാളിയാണ് ദിഷയെന്നുമുള്ള അഡീഷണല് സോളിസിറ്റര് ജനറലിന്റെ വാദത്തിന് പിന്നാലെയാണ് മഹുവയുടെ പ്രതികരണം.
ഇന്ത്യയെ അപകീര്ത്തിപ്പെടുത്താനുള്ള ആഗോള ഗൂഢാലോചനയുടെ ഭാഗമാണ് ദിഷാ രവി എങ്കില് ഉത്തര്പ്രദേശ് മുഖ്യമന്ത്രി യോഗി ആദിത്യനാഥ് ഇന്ത്യയെ അപകീര്ത്തിപ്പെടുത്താനുള്ള ബിജെപിയുടെ ഗൂഢാലോചനയുടെ ഭാഗമായിരിക്കണം എന്നാണ് മഹുവ പറഞ്ഞത്. അഡീഷണല് സോളിസിറ്റര് ജനറലിന്റെ വാദത്തിന് പിന്നാലെ ബിജെപിയും സംഘപരിവാര് ഗ്രൂപ്പുകളും ദിഷക്കെതിരെ സോഷ്യല് മീഡിയയിലൂടെ വ്യാജപ്രചാരണം നടത്തിയിരുന്നു.
അതേസമയം,’കര്ഷകരുടെ പ്രതിഷേധം ആഗോളതലത്തില് തുറന്നുകാട്ടുന്നത് രാജ്യദ്രോഹമാണെങ്കില്, താൻ ജയിലിൽ തന്നെ തുടർന്നോളാം’ എന്ന് ദിഷ കോടതിയെ അറിയിച്ചു. ദിഷയുടെ ജാമ്യാപേക്ഷയില് ഡെല്ഹി പാട്യാല ഹൗസ് കോടതി ചൊവ്വാഴ്ച വിധി പറയും.
Read also: ജമ്മു കശ്മീരിൽ തീവ്രവാദ ഒളിത്താവളം തകർത്ത് സുരക്ഷാ സേന; ആയുധങ്ങൾ പിടിച്ചെടുത്തു