കാഞ്ഞങ്ങാട്: ട്രെയിനിയിൽ നിന്ന് വീണ് പാലക്കാട് സ്വദേശിയായ യുവാവ് മരിച്ചു. പാലക്കാട് ആലത്തൂർ വടക്കുംചേരിയിലെ ജോയി ജോസഫിന്റെ മകൻ ഷിജോ ജോയി (33) ആണ് മരിച്ചത്. കാഞ്ഞങ്ങാട് ഇഖ്‌ബാൽ ഗേറ്റിന് സമീപം വ്യാഴാഴ്‌ച രാവിലെ 8 മണിയോടെയാണ് അപകടം.
മുംബൈയിലെ സ്വകാര്യ ആശുപത്രിയിൽ നഴ്‌സായ ഷിജോ നാട്ടിലേക്ക് വരുന്നതിനിടെയാണ് അപകടം ഉണ്ടായത്. നേത്രാവതി എക്‌സ്‌പ്രസിന്റെ വാതിൽപടിയിൽ നിന്ന് അബദ്ധത്തിൽ വീഴുകയായിരുന്നെന്ന് സംശയിക്കുന്നു. ട്രെയിനിൽ നിന്ന് ഒരാൾ വീഴുന്നത് ശ്രദ്ധയിൽപെട്ട പ്രദേശവാസികൾ പോലീസിൽ വിവരം അറിയിക്കുകയായിരുന്നു. ഷിജോയെ ജില്ലാ ആശുപത്രിയിൽ എത്തിച്ചെങ്കിലും മരിച്ചിരുന്നു. അവിവാഹിതനാണ്.
Read also: മരംമുറി വിവാദം; സിപിഐ സംസ്‌ഥാന നിർവാഹക സമിതി യോഗം 23ന് ചേരും
