ബെംഗളൂരു: ബെംഗളൂരുവിലെ ചാമരാജ് ജില്ലാ ആശുപത്രിയിൽ ഓക്‌സിജന്‍ കിട്ടാതെ മരിച്ചവരുടെ എണ്ണം 24 ആയി. 144 രോഗികളെയാണ് ആശുപത്രിയില്‍ പ്രവേശിപ്പിച്ചിരുന്നത്. മരിച്ചവരില്‍ കോവിഡ് രോഗബാധിതർ അല്ലാത്ത രോഗികളും ഉൾപ്പെട്ടിട്ടുണ്ട് എന്നാണ് റിപ്പോർട്.
അതേസമയം, കൊവിഡ് രണ്ടാം തരംഗം തീവ്രമായി വ്യാപിക്കാന്‍ തുടങ്ങിയതിനെ തുടര്‍ന്ന് രാജ്യത്തെ ഭൂരിഭാഗം ആശുപത്രികളിൽ നിന്നും കടുത്ത ഓക്‌സിജന്‍ ക്ഷാമമാണ് റിപ്പോർട് ചെയ്യുന്നത്. ഓക്‌സിജന്റെ ആവശ്യം മുന്‍കൂട്ടികണ്ട് ലഭ്യത ഉറപ്പാക്കാനുള്ള നടപടികള്‍ സ്വീകരിക്കുന്നതില്‍ കേന്ദ്ര സര്‍ക്കാര്‍ വരുത്തിയ വീഴ്‌ചയാണ് രാജ്യത്തിന്റെ സ്‌ഥിതി ഗുരുതരമാവാൻ കാരണമെന്നാണ് വിലയിരുത്തൽ.
Read also: മധ്യപ്രദേശില്‍ കുംഭമേളയില്‍ പങ്കെടുത്ത് മടങ്ങിയെത്തിയ 99 ശതമാനം പേർക്കും കോവിഡ്
