തിരുവനന്തപുരം: സര്വീസില് നിന്നും അനധികൃതമായി വിട്ടുനില്ക്കുന്നവര് എത്രയും വേഗം തിരിച്ചു പ്രവേശിക്കണമെന്ന് അഭ്യർഥിച്ച് ആരോഗ്യ വകുപ്പ് മന്ത്രി വീണാ ജോര്ജ്. സംസ്ഥാനം കോവിഡ് മഹാമാരിക്കെതിരായ തുടര്ച്ചയായ പോരാട്ടത്തിലാണെന്നും ആരോഗ്യ പ്രവര്ത്തകര് ഏറ്റവും അത്യാവശ്യമായ സമയമാണിതെന്നും മന്ത്രി വ്യക്തമാക്കി.
ഈ സാഹചര്യത്തില് വിട്ടു നില്ക്കുന്ന എല്ലാ ആരോഗ്യ പ്രവര്ത്തകരും ഉടന് തന്നെ സര്വീസില് പ്രവേശിക്കണമെന്ന് മന്ത്രി അഭ്യര്ഥിച്ചു.
അതേസമയം അനധികൃതമായി സര്വീസില് നിന്നും വര്ഷങ്ങളായി വിട്ടു നില്ക്കുന്ന മെഡിക്കല് വിദ്യാഭ്യാസ വകുപ്പിന് കീഴിലുള്ള 28 ഡോക്ടര്മാരെ സര്വീസില് നിന്നും നീക്കം ചെയ്യാന് സര്ക്കാര് ഉത്തരവിട്ടു. പലതവണ അവസരം നല്കിയിട്ടും സര്വീസില് പ്രവേശിക്കുന്നതിന് താൽപര്യം പ്രകടിപ്പിക്കാത്തതിനെ തുടര്ന്നാണ് സര്ക്കാര് കര്ശന നടപടി സ്വീകരിച്ചത്.
Most Read: പ്രവാസികള്ക്കുള്ള പുതുക്കിയ വാക്സിനേഷന് സര്ട്ടിഫിക്കറ്റ് നാളെ മുതല്; ആരോഗ്യമന്ത്രി