ഗുംല: അഞ്ച് നക്‌സലുകളെ ജാര്‍ഖണ്ഡിലെ ഗുംല ജില്ലയില്‍ വെച്ച് അറസ്‌റ്റ് ചെയ്‌തതായി പോലീസ് അറിയിച്ചു. ഇവരില്‍ നിന്നും ആയുധങ്ങളും വെടിക്കോപ്പുകളും പോലീസ് പിടിച്ചെടുത്തു.
അറസ്‌റ്റിലായവര്‍ ത്രിതിയ പ്രസ്‌തുതി കമ്മിറ്റി (ടിപിസി)യില്‍ ഉള്‍പ്പെടുന്നവര്‍ ആണെന്നും ഇവരില്‍ മൂന്നുപേരില്‍ നിന്ന് റൈഫിളും പിസ്‌റ്റളും ഉള്‍പ്പടെയുള്ളവ കണ്ടെടുത്തിട്ടുണ്ടെന്നും ഗുംല പോലീസ് സൂപ്രണ്ട് എച്ച്പി ജനാര്‍ദ്ദനന്‍ അറിയിച്ചു.
പിടിയിലായ നക്‌സലൈറ്റുകള്‍ക്ക് വ്യാപാരികളുടെ കള്ളപ്പണം വെളുപ്പിക്കുന്നതില്‍ പങ്കുണ്ടെന്ന് പോലീസിന് വിവരം ലഭിച്ചിരുന്നു. ഇവരുടെ സംഘത്തില്‍ കൂടുതല്‍ പേര്‍ ഉള്‍പ്പെട്ടിട്ടുണ്ട് എന്നും അന്വേഷണം പുരോഗമിക്കുകയാണെന്നും പോലീസ് വ്യക്‌തമാക്കി.
Read Also: എഐസിസി ജനറല്‍ സെക്രട്ടറി താരിഖ് അന്‍വര്‍ കേരളത്തില്‍; നേതാക്കളുമായി ഇന്ന് കൂടിക്കാഴ്‌ച
