സുക്മ: ഛത്തീസ്ഗഡിലെ സുക്മ ജില്ലയില് അഞ്ച് ഗ്രാമീണരെ നക്സലുകള് തട്ടിക്കൊണ്ടുപോയി. പ്ളസ് ടു വിദ്യാര്ഥിനി ഉള്പ്പടെ അഞ്ചുപേരെ നക്സലുകള് ബലമായി പിടിച്ചു കൊണ്ടുപോയെന്നാണ് റിപ്പോർട്.
റായ്പൂരില്നിന്ന് 400 കിലോമീറ്റര് അകലെയുള്ള കോണ്ട പോലീസ് സ്റ്റേഷൻ പരിധിയിലാണ് സംഭവം. സ്റ്റേഷനിൽനിന്ന് 18 കിലോമീറ്റര് അകലെ, വനത്തിനുള്ളിലുള്ള ബത്തേര് ഗ്രാമത്തിലെ ആളുകളെയാണ് നക്സൽ സംഘം തട്ടിക്കൊണ്ടുപോയത്.
ശനിയാഴ്ച വൈകുന്നേരം ഒരു സംഘം നക്സലുകള് ഗ്രാമത്തില് എത്തുകയും തിരച്ചില് നടത്തുകയും ചെയ്തിരുന്നതായി പോലീസ് പറയുന്നു. അതേസമയം ഞായറാഴ്ച വൈകുന്നേരത്തോടെയാണ് സംഭവം പുറംലോകമറിയുന്നത്. സുക്മ പോലീസ് അന്വേഷണം ആരംഭിച്ചു.
Most Read: ഡെൽഹിയെ വരിഞ്ഞുമുറുക്കി വായു മലിനീകരണം; കുട്ടികളിൽ ശ്വാസകോശ സംബന്ധമായ രോഗങ്ങള്