ന്യൂഡെല്ഹി: രാജ്യത്തെ കോവിഡ് കണക്കുകളില് കഴിഞ്ഞ ദിവസത്തെ അപേക്ഷിച്ച് നേരിയ വര്ധന. 442,81 പേര്ക്കാണ് ഇരുപത്തിനാല് മണിക്കൂറിനിടെ രോഗബാധ സ്ഥിരീകരിച്ചത്. ആകെ രോഗം സ്ഥിരീകരിച്ച ആളുകളുടെ എണ്ണം 86,360,12 ആണ്. ഇന്നലെ മാത്രം 503,26 പേര്ക്ക് രോഗം ഭേദമായി.
നിലവില് 496,657 പേര് മാത്രമേ ചികില്സയില് കഴിയുന്നുള്ളു. ഇന്നലെ മാത്രം 512 മരണങ്ങളാണ് റിപ്പോര്ട്ട് ചെയ്തത്. രാജ്യത്ത് ആകെ കോവിഡ് മൂലം മരണപ്പെട്ടവരുടെ എണ്ണം 127,571 ആണ്. ആകെ രോഗം ഭേദമായവരുടെ എണ്ണം 80 ലക്ഷം കടന്നു. 80,137,84 പേരാണ് ഇതുവരെ രോഗമുക്തി നേടിയത്.
ഡെല്ഹിയില് ഇതുവരെയുള്ള ഏറ്റവും ഉയര്ന്ന പ്രതിദിന കണക്കുകളാണ് ഇന്നലെ രേഖപ്പെടുത്തിയത്. 7830 പേര്ക്കാണ് ഇന്നലെ രോഗം സ്ഥിരീകരിച്ചത്. ആകെ കേസുകള് നാലര ലക്ഷം കടന്നു. ഉല്സവ കാലവും അതിശൈത്യവും, വായു മലിനീകരണവും ഡെല്ഹിയിലെ സ്ഥിതി വഷളാക്കി.
Read Also: ഡെല്ഹിയില് വായു നിലവാരം മോശം അവസ്ഥയില് തുടരുന്നു