ചേര്‍ത്തല: കേന്ദ്രത്തിന്റെ വാക്‌സിന്‍ നയത്തിനെതിരെ പ്രതിഷേധിച്ച സിപിഐ നേതാവിന്റെ കടയ്‌ക്ക് നേരെ ആക്രമണം. കടക്കരപ്പള്ളി ഗ്രാമപഞ്ചായത്തംഗവും സിപിഐ മണ്ഡലം കമ്മിറ്റി അംഗവുമായ ഗഗാറിന്റെ കടയാണ് അഞ്‌ജാതര്‍ തകര്‍ത്തത്.
കണ്ടമംഗലം ക്ഷേത്രത്തിന് സമീപമാണ് ഗഗാറിന്‍ കട നടത്തുന്നത്. ക്ഷേത്ര കമ്മിറ്റി പ്രസിഡണ്ട് കൂടിയായ ഇദ്ദേഹം ക്ഷേത്രത്തിന് സമീപമുള്ള കടയില്‍ സമരം ചെയ്‌തത് ബിജെപി പ്രവർത്തകർ ചോദ്യം ചെയ്‌തിരുന്നു. തുടർന്ന് നടന്ന അക്രമത്തിൽ 30,000 രൂപയോളം നഷ്‌ടം വന്നതായി ഗഗാറിന്‍ പറഞ്ഞു. സമീപത്തെ വ്യാപാര സ്‌ഥാപനങ്ങളിലെയും വീടുകളിലെയും സിസിടിവി ക്യാമറകള്‍ പരിശോധിച്ച് പ്രതികളെ ഉടൻ പിടികൂടുമെന്ന് പട്ടണക്കാട് പൊലീസ് പറഞ്ഞു.
Read also: സംസ്‌ഥാനത്തെ കോവിഡ് വ്യാപനം; സുപ്രധാന നിരീക്ഷണവുമായി ഹൈക്കോടതി
