ബെംഗളൂരു: ഇന്ത്യ കണ്ട ഏറ്റവും മികച്ച മിഡ്ഫീല്ഡര്മാരില് ഒരാളായ കാള്ട്ടന് ചാപ്മാന് അന്തരിച്ചു. 49 വയസായിരുന്നു. ഇന്ത്യന് ടീം ക്യാപ്റ്റനായിരുന്ന ഈ കര്ണാടകക്കാരന് 1991 മുതല് 2001 വരെ ഇന്ത്യന് ദേശിയ ടീമിനായി ബൂട്ടണിഞ്ഞിട്ടുണ്ട്.
‘മിഡ്ഫീല്ഡ് മാന്ത്രികന്’ എന്നറിയപ്പെട്ടിരുന്ന ചാപ്മാന് ഈസ്റ്റ് ബംഗാളിനും ജെ.സി.ടിക്കും വേണ്ടി കളിച്ചിട്ടുണ്ട്. 90കളില് ദേശിയ ടീമില് സ്ഥിരാംഗമായിരുന്ന ഇദ്ദേഹം തന്നെയാണ് ഐ.എം. വിജയനും ജോപോള് അഞ്ചേരിയും രാമന് വിജയനുമൊക്കെ കളിച്ച എഫ്.സി. കൊച്ചിന്റെ സുവര്ണ സംഘത്തിന്റെ മധ്യനിര നിയന്ത്രിച്ചതും.
കളിക്കളം വിട്ട ശേഷം പരിശീലകനായും കാള്ട്ടന് ചാപ്മാന് പ്രവര്ത്തിച്ചിരുന്നു.
Read Also: ലിബിയയില് തട്ടിക്കൊണ്ടു പോയ 7 ഇന്ത്യക്കാരെ വിട്ടയച്ചു
