എൻഎസ്‌യു നേതാവ് ആതിരയുടെ പരാതി; തിരുവനന്തപുരം മ്യൂസിയം പോലീസ് കേസെടുത്തു
മുഖ്യതിരഞ്ഞെടുപ്പ് കമ്മീഷണർ ഗ്യാനേഷ് കുമാറിനെതിരായ സമരത്തിനിടെ ഡെൽഹി പോലീസിന്റെ ഭാഗത്തുനിന്ന് അന്യായമായ ആക്രമണമുണ്ടായെന്നും കസ്‌റ്റഡിയിൽ വെച്ച് മർദ്ദിച്ചുവെന്നും കാട്ടി എൻഎസ്‌യു നേതാവ് ആതിര നൽകിയ പരാതിയിലാണ് നടപടി.
തിരുവനന്തപുരം: മുഖ്യതിരഞ്ഞെടുപ്പ് കമ്മീഷണർ ഗ്യാനേഷ് കുമാറിനെതിരായ സമരത്തിനിടെ ഡെൽഹി പോലീസ് മർദ്ദിച്ചെന്ന് കാട്ടി എൻഎസ്‌യു നേതാവ് ആതിര നൽകിയ പരാതിയിൽ തിരുവനന്തപുരം മ്യൂസിയം പോലീസ് കേസ് രജിസ്‌റ്റർ ചെയ്‌തു. സമരത്തിനിടെ തങ്ങൾക്ക് നേരെ പോലീസിന്റെ ഭാഗത്തുനിന്ന് അന്യായമായ ആക്രമണമുണ്ടായെന്നും കസ്‌റ്റഡിയിൽ വെച്ച് മർദ്ദിച്ചുവെന്നും ആതിരയുടെ പരാതിയിലുണ്ട്.
പൊതുജനമധ്യത്തിലൂടെ ബലമായി വലിച്ചിഴച്ച് കൊണ്ടുപോയെന്നും വസ്‌ത്രങ്ങൾ വലിച്ചുകീറാൻ ശ്രമിച്ചുവെന്നും ആതിര പരാതിപ്പെട്ടിരുന്നു. പരാതിയിൽ വിശദമായ അന്വേഷണം നടത്തണമെന്ന് സംസ്‌ഥാന പോലീസ് മേധാവി നിർദ്ദേശം നൽകിയിരുന്നു. പിന്നാലെയാണ് കേസ് രജിസ്‌റ്റർ ചെയ്‌തിരിക്കുന്നത്‌.
സമരത്തിനിടെ പരിക്കേറ്റ എൻഎസ്‌യു പ്രവർത്തകരോടൊപ്പം രാഹുൽ ഗാന്ധി കഴിഞ്ഞദിവസം മാദ്ധ്യമങ്ങളെ കണ്ടിരുന്നു. ചഞ്ചൽയാദവ് എന്ന പോലീസ് ഉദ്യോഗസ്‌ഥയാണ് മർദ്ദനത്തിന് നേതൃത്വം നൽകിയതെന്നും പോലീസ് യൂണിഫോമിലില്ലാത്തവരും മർദ്ദിച്ചെന്നും പ്രവർത്തകർ വാർത്താസമ്മേളനത്തിൽ പറഞ്ഞിരുന്നു.
”യൂണിഫോം ധരിച്ചെത്തിയവരും അല്ലാത്തവരും ആയിട്ടുള്ളവരാണ് ബസിൽ വെച്ച് ഞങ്ങളെ മർദ്ദിച്ചത്. നിങ്ങൾ കുറച്ചുപേർ കാരണം ഞങ്ങൾക്ക് മര്യാദയ്‌ക്ക് ഉറങ്ങാൻ പോലും പറ്റുന്നില്ലെന്ന് പറഞ്ഞാണ് ക്രൂരമർദ്ദനം. ഇനിയും പ്രതിഷേധിക്കും. മർദ്ദിച്ച് ഒതുക്കാമെന്ന് കരുതണ്ട”- ആതിര മാദ്ധ്യമങ്ങളോട് പറഞ്ഞു.
ഡെൽഹി പോലീസിന്റേത് ഗുരുതരമായ തെറ്റാണെന്നും നിയമപരമായ നടപടിയുമായി മുന്നോട്ടുപോകുമെന്നും ആഭ്യന്തര മന്ത്രി രമേശ് ചെന്നിത്തല പ്രതികരിച്ചിരുന്നു. സമരത്തിൽ പങ്കെടുക്കുന്നത് കുറ്റകരമൊന്നും അല്ലാലോയെന്നും മന്ത്രി പറഞ്ഞിരുന്നു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
