ദുബായ്: ബോളിവുഡിന്റെ കിംഗ് ഖാൻ ഷാരൂഖ് ഖാന് പിറന്നാൾ സമ്മാനമൊരുക്കി ബുർജ് ഖലീഫ. 55ആം പിറന്നാൾ ആഘോഷിക്കുന്ന ഷാരൂഖ് ഖാന് ആശംസ നേർന്ന് ലോകത്തിലെ ഏറ്റവും വലിയ കെട്ടിടങ്ങളിലൊന്നായ ബുർജ് ഖലീഫയും തിളങ്ങി. താരത്തിന്റെ ‘ദിൽവാലെ ദുൽഹനിയ ലേ ജായേംഗെ’, ‘ഡോൺ’, ‘രാവൺ’ തുടങ്ങിയ സിനിമകളിലെ കഥാപാത്രങ്ങളുടെ ചിത്രങ്ങൾ കൂടി ഉൾപ്പെടുത്തിയായിരുന്നു ബുർജ് ഖലീഫയിൽ പിറന്നാൾ ആശംസാ സന്ദേശം തെളിഞ്ഞത്.
തന്നെ ‘ബിഗ് സ്ക്രീനിൽ’ കണ്ട സന്തോഷം ഷാരൂഖും പങ്കുവച്ചു. “ലോകത്തെിലെ ഏറ്റവും വലിയ ഉയരമുള്ള സ്ക്രീനിൽ എന്നെത്തന്നെ കാണുന്നത് സന്തോഷമുളവാക്കുന്നു. എന്റെ അടുത്ത സിനിമക്ക് മുമ്പ് തന്നെ എന്നെ ഈ ബിഗ് സ്ക്രീനിൽ എത്തിച്ച സുഹൃത്ത് മുഹമ്മദ് അൽഅബ്ബാറിന് നന്ദി. എന്റെ കുട്ടികൾക്കും ഇത് മതിപ്പുണ്ടാക്കുന്നതാണ്. ഞാനിത് വളരെയധികം ഇഷ്ടപ്പെടുന്നു”,- ഷാരൂഖ് ട്വീറ്റ് ചെയ്തു. ബുർജ് ഖലീഫയിൽ തനിക്കുള്ള ആശംസാ സന്ദേശം തെളിയുമ്പോൾ ആ പശ്ചാത്തലത്തിൽ നിന്നെടുത്ത ചിത്രം കൂടി പങ്കുവച്ചു കൊണ്ടാണ് താരം നന്ദി അറിയിച്ച് ട്വീറ്റ് ചെയ്തത്.
It’s nice to see myself on the biggest and tallest screen in the world. My friend @mohamed_alabbar has me on the biggest screen even before my next film. Thanks & love u all @BurjKhalifa & @EmaarDubai. Being my own guest in Dubai… my kids mighty impressed and me is loving it! pic.twitter.com/qXUB6GERc0
— Shah Rukh Khan (@iamsrk) November 2, 2020
