തിരുവനന്തപുരം: പിബി നൂഹ് ഐഎഎസിന് കോവിഡ് സ്ഥിരീകരിച്ചു. രോഗ ലക്ഷണങ്ങളോടെ അദ്ദേഹത്തെ തിരുവനന്തപുരം മെഡിക്കൽ കോളജിൽ പ്രവേശിപ്പിച്ചു. പിബി നൂഹ് തന്നെയാണ് കോവിഡ് ബാധിച്ച കാര്യം ഫേസ്ബുക്കിലൂടെ അറിയിച്ചത്.
അദ്ദേഹവുമായി സമ്പർക്കം പുലർത്തിയവർ ടെസ്റ്റിന് വിധേയരാകണമെന്നും, ജാഗ്രത പാലിക്കണമെന്നും കുറിപ്പിൽ പറയുന്നു. പത്തനംതിട്ട ജില്ലാ കളക്ടറായിരുന്ന പിബി നൂഹിന് കഴിഞ്ഞ ആഴ്ചയാണ് അവിടെ നിന്ന് സ്ഥലം മാറ്റം ലഭിച്ചത്. ‘കളക്ടർ ബ്രോ’ എന്ന് സോഷ്യൽ മീഡിയയിൽ അറിയപ്പെടുന്ന അദ്ദേഹത്തിന്റെ സ്ഥലം മാറ്റം മാദ്ധ്യമങ്ങളിൽ ചർച്ചയായിരുന്നു.
നിലവിൽ അദ്ദേഹം അഡീഷണൽ ചീഫ് ഇലക്ടറൽ ഓഫീസറാണ്. പത്തനംതിട്ടയിൽ നിന്ന് പാലക്കാടേക്ക് ആണ് അദ്ദേഹത്തിന് ആദ്യം മാറ്റം ലഭിച്ചത്. എന്നാൽ പാലക്കാടെത്തി മണിക്കൂറുകൾക്കകം അദ്ദേഹത്തിന് തിരഞ്ഞെടുപ്പ് വിഭാഗത്തിലേക്ക് നിയമനം ലഭിക്കുക ആയിരുന്നു.
National News: ഉത്തരാഖണ്ഡ്; മരിച്ചവരുടെ കുടുംബത്തിന് നാല് ലക്ഷം നൽകുമെന്ന് മുഖ്യമന്തി
