തിരുവനന്തപുരം: വിതുരയില് വാട്സ്ആപ്പിലൂടെ പരിചയപ്പെട്ട 14കാരിയെ പീഡിപ്പിച്ച് കടന്നുകളഞ്ഞ പ്രതി പോലീസ് പിടിയിൽ. പാലോട് സ്വദേശി അനീഷാണ് പിടിയിലായത്. 14 വയസുള്ള ദളിത് പെൺകുട്ടിയെ ഇയാള് ഭീഷണിപ്പെടുത്തി വീട്ടില്നിന്നും കൂട്ടിക്കൊണ്ടു പോയി പീഡിപ്പിച്ച ശേഷം ഇയാളുടെ വീട്ടിൽ പൂട്ടിയിട്ട് കടന്നുകളയുകയായിരുന്നു.
തിങ്കളാഴ്ച രാത്രി 12 മണിക്കാണ് പെണ്കുട്ടിയെ അനീഷ് തട്ടികൊണ്ട് പോയത്. ഇയാളുടെ വീട്ടില് കൊണ്ടുപോയാണ് പീഡിപ്പിച്ചത്. പെണ്കുട്ടിയെ സ്വന്തം വീട്ടില് കാണാത്തതിനെ തുടര്ന്ന് രക്ഷിതാക്കൾ വിതുര പോലീസില് പരാതി നല്കി.
പോലീസ് അന്വേഷണം തുടങ്ങിയത് മനസിലാക്കിയ പ്രതി പെൺകുട്ടിയെ വീട്ടിനുള്ളില് പൂട്ടിയിട്ട് കടന്നുകളഞ്ഞു. സൈബര് സെല്ലിന്റെ സഹായത്തോടെയാണ് പ്രതിയെ പിടികൂടിയത്. ഇയാളെ പിടികൂടിയ ശേഷമാണ് പെണ്കുട്ടി വീട്ടിലുണ്ടെന്ന് മനസിലാക്കിയത്. വീട്ടില് പൂട്ടിയിട്ട നിലയിലായിരുന്ന പെൺകുട്ടിയെ പിന്നീട് പോലീസെത്തി മോചിപ്പിച്ചു. എസ്സി, എസ്ടി അട്രോസിറ്റീസ്, പോക്സോ നിയമപ്രകാരവും കേസ് രജിസ്റ്റർ ചെയ്തു.
Most Read: ജനം തെരുവിലിറങ്ങി; ഹെയ്തിയിൽ ആഭ്യന്തര അടിയന്തരാവസ്ഥ പ്രഖ്യാപിച്ചു