ശ്രീനഗര്‍: ജമ്മു കാശ്‌മീരിലെ അനന്ത്‌നാഗില്‍ പോലീസ് ഉദ്യോഗസ്‌ഥന്‍ തീവ്രവാദിയുടെ വെടിയേറ്റ് മരിച്ചു. കാശ്‌മീര്‍ പൊലീസിലെ ഇൻസ്‌പെക്‌ടറായ മുഹമ്മദ് ഷരീഫാണ് കൊല്ലപ്പെട്ടത്. ആശുപത്രിയില്‍ കൊണ്ടു പോവുന്ന വഴിയാണ് അദ്ദേഹം മരണപ്പെട്ടത്. മേഖല മുഴുവന്‍ സൈന്യം അടച്ചുപൂട്ടി.
അതേ സമയം ഷോപ്പിയാനില്‍ സുരക്ഷാ സേനയുമായി ഉണ്ടായ ഏറ്റുമുട്ടലില്‍ ഒരു ഭീകരന്‍ കൊല്ലപ്പെട്ടു. ഇയാള്‍ ഏത് സംഘടനയുടെ പ്രവര്‍ത്തകനാണ് എന്നത് വ്യക്തമായിട്ടില്ല.
മേല്‍ഹോരാ മേഖലയിലാണ് ഏറ്റുമുട്ടല്‍ നടന്നത്. രണ്ടിലധികം ഭീകരര്‍ പ്രദേശത്ത് കുടുങ്ങിയതായി പോലീസ് അറിയിച്ചു. ഏറ്റുമുട്ടല്‍ തുടരുക ആണെന്നും അവര്‍ അറിയിച്ചു.
Read Also: ജിഡിപി വളർച്ചയിലും ഇന്ത്യ പാകിസ്‌ഥാനും ബംഗ്ലാദേശിനും പിന്നിൽ; കോവിഡ് മരണനിരക്കിൽ മുന്നിലും
