ന്യൂഡെൽഹി: രാജ്യത്ത് സിപിഐഎമ്മിന് പിന്നാലെ സിപിഐയിലും പ്രായപരിധി കർശനമാക്കുന്നു. ഡെൽഹിയിൽ ചേര്ന്ന സിപിഐ ദേശീയ എക്സിക്യൂട്ടിവ്, കൗണ്സില് യോഗങ്ങളിലാണ് ഇക്കാര്യം തീരുമാനിച്ചത്. ദേശീയ കൗണ്സില് അംഗങ്ങള്ക്ക് പരമാവധി പ്രായം 75 വയസായാണ് തീരുമാനിച്ചിരിക്കുന്നത്.
കൂടാതെ ബ്രാഞ്ച് സെക്രട്ടറിമാര്ക്ക് 45 വയസായും, ജില്ലാ സെക്രട്ടറിമാര്ക്ക് 60 വയസായും പ്രായം നിജപ്പെടുത്തിയിട്ടുണ്ട്. ഒപ്പം തന്നെ വനിതകൾക്ക് 15 ശതമാനം സംവരണവും, പട്ടിക വിഭാഗങ്ങൾക്കും, ന്യൂനപക്ഷങ്ങൾക്കും പ്രാതിനിധ്യം ഉറപ്പാക്കാനും യോഗത്തിൽ തീരുമാനമായി. കൂടാതെ ബിജെപിയെ തോല്പ്പിക്കാന് കോണ്ഗ്രസുമായി ദേശീയ തലത്തില് വിശാലമതേതര കൂട്ടായ്മ വേണമെന്നും പാര്ട്ടി ജനറല് സെക്രട്ടറി ഡി രാജ നയം വ്യക്തമാക്കി.
Read also: കുതിരവട്ടം മാനസികാരോഗ്യ കേന്ദ്രത്തിന്റെ വികസനം; സമഗ്ര പദ്ധതിയുമായി സർക്കാർ