ന്യൂഡെൽഹി: പാർലമെന്റ് സമ്മേളനത്തിന് മുന്നോടിയായി ഇന്ന് സർവകക്ഷി യോഗം ചേരും. 11 മണിക്ക് ചേരുന്ന യോഗത്തിൽ പ്രധാനമന്ത്രി നരേന്ദ്ര മോദിയും പങ്കെടുക്കും. ലോക്‌സഭാ സ്‌പീക്കർ ഓം ബിർല വിളിച്ച സഭാ നേതാക്കളുടെ യോഗം വൈകുന്നേരം നാല് മണിക്ക് ചേരും. പാർലമെന്റ് സമ്മേളനത്തിന് മുന്നോടിയായി മോദി പങ്കെടുക്കുന്ന എൻഡിഎ യോഗവും ഇന്ന് നടക്കും.
അതേസമയം, കോൺഗ്രസ് ഇടക്കാല അധ്യക്ഷ സോണിയ ഗാന്ധിയും ഇന്ന് പാർടി എംപിമാരുടെ യോഗം വിളിച്ചിട്ടുണ്ട്. സഭയിൽ കൊണ്ടുവരേണ്ട ബില്ലുകളിലും, അവതരിപ്പിക്കേണ്ട വിഷയങ്ങളിൻമേലുമാണ് വിവിധ യോഗങ്ങളിലെ ചർച്ച.
നാളെ (തിങ്കളാഴ്‌ച) മുതൽ ഓഗസ്‌റ്റ് 13 വരെയാണ് പാർലമെന്റ് വർഷകാല സമ്മേളനം. കോവിഡ് മാനദണ്ഡങ്ങൾ പാലിച്ച് രാവിലെ 11 മണി മുതൽ വൈകിട്ട് 6 വരെയാകും പാർലമെന്റിന്റെ ഇരുസഭകളും ചേരുക.
Most Read: മാംസനിരോധനം അടിച്ചേല്‍പ്പിക്കാൻ സാധിക്കില്ല; ഉത്തരാഖണ്ഡ് ഹൈക്കോടതി
