മുംബൈ: ആഡംബര കപ്പലിലെ ലഹരിപാർട്ടി കേസിൽ എൻസിബിക്കെതിരെ പ്രതികരണവുമായി മഹാരാഷ്‌ട്ര മുഖ്യമന്ത്രി ഉദ്ദവ് താക്കറെ. ഒരു സെലിബ്രിറ്റിയെ അറസ്‌റ്റ് ചെയ്ത് ബഹളമുണ്ടാക്കി ശ്രദ്ധ ക്ഷണിക്കാനുള്ള ശ്രമമാണ് എൻസിബിയുടേതെന്ന് ഉദ്ദവ് താക്കറെ ആരോപിച്ചു. സംഭവത്തിൽ പ്രതികരണവുമായി മുതിർന്ന കോൺഗ്രസ് നേതാവും അഭിഭാഷകനുമായ കപിൽ സിബലും രംഗത്തുവന്നു.
ആര്യൻ ഖാൻ ലഹരി ഉപയോഗിച്ചതായോ കൈവശംവെച്ചതായോ തെളിവില്ലെന്നും ലഖിംപൂർ ഖേരി സംഭവത്തിൽ നിന്നും ശ്രദ്ധതിരിക്കാനാണ് കേന്ദ്ര സർക്കാർ ഇതിലൂടെ ശ്രമിക്കുന്നതെന്നും കപിൽ സിബൽ ആരോപിച്ചു. കേസിൽ ആര്യൻ ഉൾപ്പെടെയുള്ള മൂന്ന് പ്രതികളുടെ ജാമ്യാപേക്ഷയിൽ ഈ വരുന്ന ബുധനാഴ്‌ച മുംബൈ എൻഡിപിഎസ് പ്രത്യേക കോടതി വിധി പറയും.
Read Also: ശബരിമല നട ഇന്ന് തുറക്കും; തുലാമാസ പൂജകൾക്ക് തുടക്കം
