പത്തനംതിട്ട: തുലാമാസ പൂജകൾക്കായി സംസ്‌ഥാനത്ത് ശബരിമല നട ഇന്ന് തുറക്കും. ഇന്ന് വൈകുന്നേരം 5 മണിയോടെയാണ് നട തുറക്കുക. തുടർന്ന് ഈ മാസം 21ആം തീയതി വരെയാണ് പൂജകൾ നടക്കുക.
നാളെ മുതൽ ദിവസവും ഉദയാസ്‌തമയ പൂജ, പടിപൂജ, കളഭാഭിഷേകം, വിശേഷാൽ പൂജകൾ എന്നിവയുണ്ടാകും. കോവിഡ് വ്യാപനം കണക്കിലെടുത്ത് ഇത്തവണയും വെർച്വൽ ക്യൂ വഴി ബുക്ക് ചെയ്‌ത ആളുകൾക്കായിരിക്കും ദർശനത്തിന് അനുമതി നൽകുക. ഇതിനായി പോലീസിന്റെ വെർച്വൽ ക്യൂ ബുക്കിംഗ് ആരംഭിച്ചിട്ടുണ്ട്.
പ്രതിദിനം 15,000 ആളുകൾക്കാണ് ദർശനത്തിന് അനുമതി നൽകുന്നത്. 10 വയസിൽ താഴെയുള്ള കുട്ടികൾക്കും ഇത്തവണ പ്രവേശനാനുമതി ഉണ്ടായിരിക്കും. രണ്ട് ഡോസ് വാക്‌സിൻ സ്വീകരിച്ച ആളുകൾ അതിന്റെ സർട്ടിഫിക്കറ്റും, അല്ലാത്തവർ ആർടിപിസിആർ സർട്ടിഫിക്കറ്റും കയ്യിൽ കരുതണമെന്ന് അധികൃതർ വ്യക്‌തമാക്കി.
Read also: ഗർഭഛിദ്ര നിയമഭേദഗതി മനുഷ്യന് മേലുള്ള ഭീകരാക്രമണം; എതിർപ്പുമായി കത്തോലിക്ക സഭ
