മുംബൈ: മഹാരാഷ്ട്ര മുഖ്യമന്ത്രി ഉദ്ദവ് താക്കറെക്ക് കത്തയച്ച് നാര്‍ക്കോട്ടിക്‌സ് കണ്‍ട്രോള്‍ ബ്യൂറോ സോണല്‍ ഡയറക്‌ടര്‍ സമീര്‍ വാങ്കഡെയുടെ ഭാര്യ ക്രാന്തി വാങ്കഡെ. തന്റെ ഭർത്താവിന് നീതി ലഭ്യമാക്കണമെന്ന് ആവശ്യപ്പെട്ടാണ് കത്ത്. മുഖ്യമന്ത്രിയുമായി കൂടിക്കാഴ്‌ച നടത്താനും ക്രാന്തി വാങ്കഡെ അനുമതി തേടിയിട്ടുണ്ട്.
ഞങ്ങൾ എല്ലാദിവസവും ജനങ്ങളുടെ മുന്നിൽ അപമാനിതരാവുകയാണ്. മഹാരാഷ്‌ട്രയിൽ സ്‍ത്രീയുടെ അന്തസ് ഓരോ ദിവസവും ചോദ്യം ചെയ്യപ്പെടുകയാണ്. ബാൽതാക്കറെ ഉണ്ടായിരുന്നുവെങ്കിൽ ഒരിക്കലും ഇത്തരമൊരു സംഭവമുണ്ടാവാൻ അനുവദിക്കില്ലായിരുന്നു. നിങ്ങളിൽ ഞങ്ങൾ വിശ്വാസമർപ്പിക്കുകയാണ്. നീതി നടപ്പാകുമെന്ന് തന്നെയാണ് പ്രതീക്ഷയെന്നും അവർ കത്തിൽ കൂട്ടിച്ചേർത്തു.
ബോളിവുഡ് താരം ഷാരൂഖിന്റെ മകൻ ആര്യൻ ഖാനെ ആഡംബര കപ്പലിൽ മയക്കുമരുന്ന് ഉപയോഗിച്ച കേസിൽ സമീർ വാങ്കഡെ അറസ്‌റ്റ് ചെയ്തിരുന്നു. തുടർന്ന് സമീർ വാങ്കഡെ കൈക്കൂലി ആവശ്യപ്പെട്ടെന്നാണ് ആരോപണം ഉയർന്നിരിക്കുന്നത്.
Read also: ‘ഇതൊന്നും ഇവിടെ നടക്കില്ല’; യുപി പോലീസിന് ഡെൽഹി ഹൈക്കോടതിയുടെ വിമർശനം
