ചെന്നൈ: ആര്എസ്എസിന്റെയും ബിജെപിയുടെയും പ്രതിരൂപമാണ് അണ്ണാ ഡിഎംകെയെന്ന് കോണ്ഗ്രസ് നേതാവ് രാഹുല് ഗാന്ധി. തമിഴ്നാട്ടിലെ ഭരണകക്ഷിക്ക് പിന്നില് ആര്എസ്എസും ബിജെപിയുമാണെന്നും മുഖ്യമന്ത്രി എടപ്പാടി പളനിസാമി നരേന്ദ്ര മോദിക്ക് മുന്നില് കീഴടങ്ങിയ നേതാവാണെന്നും രാഹുല് ഗാന്ധി പറഞ്ഞു.
‘ഇത് നിങ്ങളുടെ പഴയ എഐഎഡിഎംകെ അല്ല. ദയവു ചെയ്ത് തെറ്റിധരിക്കരുത്. മുഖംമൂടി വെച്ച അണ്ണാ ഡിഎംകെയാണ് ഇപ്പോള് നിങ്ങളുടെ മുന്നിലുള്ളത്. അവരെ കണ്ടാല് എഐഎഡിഎംകെയെപ്പോലെ തോന്നുമായിരിക്കും. പക്ഷേ നിങ്ങള് മുഖംമൂടി മാറ്റിയാല് കാണുക അവരെയല്ല, ആര്എസ്എസിനെയും ബിജെപിയെയുമാണ്’ രാഹുൽ പറഞ്ഞു.
സമ്പൂര്ണ അധികാരവും ബിജെപിക്ക് നല്കിയ പാര്ട്ടിയാണ് ഇപ്പോഴത്തെ എഐഎഡിഎംകെ പാർട്ടിയെന്നും അവരുമായി ഇടപെടുമ്പോള് തമിഴ് ജനത സൂക്ഷിക്കണമെന്നും രാഹുല് മുന്നറിയിപ്പ് നല്കി. നിയമസഭാ തിരഞ്ഞെടുപ്പിന് ശേഷം ഡിഎംകെ കോണ്ഗ്രസ് സഖ്യം അധികാരത്തില് എത്തുമെന്നാണ് എക്സിറ്റ് പോള് പ്രവചനങ്ങളെല്ലാം സൂചിപ്പിക്കുന്നത്.
Read Also: ഇന്ത്യയില് കഴിഞ്ഞവര്ഷം കേന്ദ്രം പൂട്ടിട്ടത് 2731 ട്വിറ്റര്, 1717 ഫേസ്ബുക്ക് അക്കൗണ്ടുകൾക്ക്