തിരുവനന്തപുരം : യൂട്യൂബിലൂടെ സ്ത്രീകള്ക്കെതിരെ അശ്ലീല പരാമര്ശം നടത്തിയ വിജയ് പി നായര്ക്കെതിരെ പുതിയ കേസെടുത്തു. സൈനികരെ അപമാനിച്ചു കൊണ്ട് പോസ്റ്റ് ചെയ്ത വിഡിയോക്കെതിരെയാണ് ഇപ്പോള് പുതിയ കേസ് എടുത്തിരിക്കുന്നത്. സൈബര് പൊലീസാണ് വിജയ് പി നായര്ക്കെതിരെ പുതിയ കേസെടുത്തത്.
Related news : സൈനികര്ക്ക് നേരെയും അപമാനം; വിജയ് പി നായരുടെ അക്കൗണ്ട് യൂ ട്യൂബ് നീക്കം ചെയ്തു
യൂട്യൂബ് ചാനലിലൂടെ സ്ത്രീകള്ക്കെതിരെ നടത്തിയ അശ്ലീല വീഡിയോക്ക് എതിരെ സൈബര് പോലീസ് നേരത്തെ വിജയ് പി നായര്ക്കെതിരെ കേസെടുത്തിരുന്നു. അശ്ലീല പരാമര്ശനത്തിന് ഇരയായ സ്ത്രീകള് അയാളെ താമസസ്ഥലത്ത് ചെന്ന് കൈയേറ്റം ചെയ്തതിന് പിന്നാലെയാണ് വിജയ്ക്കെതിരെ കേസെടുത്തത്. എന്നാല് കൈയേറ്റം നടത്തിയ സ്ത്രീകള്ക്കെതിരെയും കേസെടുക്കണമെന്ന് ആവശ്യപ്പെട്ട് രംഗത്തെത്തിയിരിക്കുകയാണ് സംസ്ഥാന മനുഷ്യാവകാശ കമ്മീഷന്.
നിയമം കയ്യിലെടുക്കാന് സ്ത്രീകള്ക്കും പുരുഷന്മാര്ക്കും അവകാശമില്ലെന്നും വിജയ് പി നായര്ക്കെതിരെയും കൈയേറ്റം നടത്തിയ സ്ത്രീകള്ക്കെതിരെയും കേസെടുത്ത് നടപടി സ്വീകരിക്കണമെന്നും മനുഷ്യാവകാശ കമ്മീഷന് വ്യക്തമാക്കി. കേസുമായി ബന്ധപ്പെട്ട് സ്വീകരിച്ച നടപടികള് രണ്ടാഴ്ചക്കകം അറിയിക്കണമെന്ന് തിരുവനന്തപുരം ജില്ലാ പോലീസ് മേധാവിക്ക് കമ്മീഷന് ജുഡീഷ്യല് അംഗം പി മോഹനദാസ് നിര്ദ്ദേശം നല്കിയിട്ടുണ്ട്.
Read also : സ്വര്ണക്കടത്ത് കേസില് വഴിത്തിരിവ്; കുറ്റസമ്മതം നടത്താന് സന്ദീപ് നായര്