ന്യൂഡെൽഹി: പൊതുമേഖലാ ബാങ്കുകളുടെ സ്വകാര്യവൽക്കരണം നടത്താനുള്ള കേന്ദ്രസർക്കാർ നീക്കത്തിനെതിരെ യുണൈറ്റഡ് ഫോറം ഓഫ് ബാങ്ക് യൂണിയൻസ് മാർച്ച് 15,16 തീയതികളിൽ പ്രഖ്യാപിച്ച ദേശീയ പണിമുടക്ക് മേഖലയെ സ്തംഭിപ്പിക്കും. മാർച്ച് 13, 14 തീയതികളിൽ അവധിയായതിനാൽ ഫലത്തിൽ 4 ദിവസം ബാങ്കുകൾ അടഞ്ഞുകിടക്കും. മാർച്ച് 11ന് ശിവരാത്രി അവധിയുമാണ്. ഇതോടെ നാല് ദിവസത്തോളം ബാങ്കിംഗ് മേഖല നിശ്ചലമാവും.
തിങ്കളാഴ്ചയും മാർച്ച് 12നും പ്രതിഷേധ മാസ്ക് ധരിച്ചുകൊണ്ട് ജോലി ചെയ്യാനും 9 ബാങ്ക് യൂണിയനുകളുടെ ഐക്യവേദിയായ സംഘടന ആഹ്വാനം ചെയ്തിട്ടുണ്ട്. കൂടുതൽ പൊതുമേഖലാ ബാങ്കുകളുടെ സ്വകാര്യവൽക്കരണം നടത്താൻ ധനമന്ത്രാലയം നേരത്തെ തീരുമാനം എടുത്തിരുന്നു. ഇതിന്റെ നടപടികൾ പുരോഗമിക്കുകയാണ്. മാർച്ച് 17ന് ജനറൽ ഇൻഷുറൻസ് ജീവനക്കാരും മാർച്ച് 18ന് എൽഐസി ജീവനക്കാരും പണിമുടക്ക് പ്രഖ്യാപിച്ചിട്ടുണ്ട്. ഇൻഷുറൻസ് മേഖലയിലെ സ്വകാര്യവൽക്കരണം ചൂണ്ടിക്കാട്ടിയാണ് സമരം.
Read Also: സുവേന്ദു അധികാരിയുടെ ‘കശ്മീർ’ പരാമർശം; മറുചോദ്യവുമായി ഒമർ അബ്ദുള്ള