കോഴിക്കോട്: ജില്ലയിലെ കൂളിയാട് നിർമാണത്തിലിരുന്ന പാലത്തിന്റെ ബീം തകർന്നു വീണു. ചാലിയാറിന് കുറുകെയാണ് പാലം നിർമിക്കുന്നത്. ഇന്ന് രാവിലെ ഒൻപത് മണിയോടെയാണ് ബീം തകർന്നു വീണത്. സംഭവത്തിൽ ആർക്കും ആളപായം ഉണ്ടായിട്ടില്ല. പാലത്തിന്റെ പണി തുടങ്ങിയിട്ട് 2 വർഷം ആയിരിക്കുകയാണ്.
ചാലിയാർ പുഴക്ക് കുറുകെ കോഴിക്കോട്-മലപ്പുറം ജില്ലകളെ ബന്ധിപ്പിച്ചുകൊണ്ടാണ് പാലം പണി നടക്കുന്നത്. ഇതിൽ മലപ്പുറം ഭാഗത്തെ ബീം ആണ് തകർന്നു വീണത്. ഊരാളുങ്കലിനാണ് നിർമാണ ചുമതല നൽകിയിരിക്കുന്നത്. പാലം പണി പുരോഗമിക്കുന്നതിനിടെയാണ് പുഴയിലെ ശക്‌തമായ ഒഴുക്കില്‍ പാലത്തിൽ സ്‌ഥാപിച്ചിരുന്ന ഐലന്‍ഡ് ഒലിച്ചുപോയതും, നിർമാണ പ്രവർത്തനങ്ങൾ നിർത്തി വച്ചതും. അതിന് പിന്നാലെയാണ് ഇപ്പോൾ പാലത്തിന്റെ ബീം തകർന്നു വീണത്.
Read also: ഷഹാനയുടെ മരണം; കോഴിക്കോട്ടെ വീട്ടിൽ ഫോറൻസിക് പരിശോധന
