കോഴിക്കോട്: റമദാനില് ആരാധനാലയങ്ങളില് പ്രാർഥനക്കെത്തുന്ന വിശ്വാസികള് കോവിഡ് വ്യാപനം തടയാന് ആവശ്യമായ നടപടികള് സ്വീകരിക്കണമെന്ന് കോഴിക്കോട് ചേര്ന്ന മുസ്ലിം സംഘടനാ നേതാക്കളുടെ യോഗത്തില് തീരുമാനം.
കോവിഡ് ക്രമാതീതമായി വര്ധിക്കുന്നതിനാല് ആരാധനാലയങ്ങളില് കോവിഡ് പ്രോട്ടോക്കോള് അനുസരിച്ച് പെരുമാറണമെന്നും മഹല്ല് വാസികളില് 45 വയസിന് മുകളിലുള്ളവര് കഴിയുന്നതും വേഗം പ്രതിരോധ വാക്സിന് സ്വീകരിക്കണമെന്നും യോഗം വിശ്വാസികളോട് ആവശ്യപ്പെട്ടു.
പത്ത് വയസിന് താഴെയുള്ള കുട്ടികളും ചുമ, പനി, ജലദോഷം എന്നിവ ഉള്ളവരും പള്ളിയില് വരാതിരിക്കുക, കൃത്യമായി മാസ്ക് ധരിച്ച് മാത്രം പള്ളികളില് പ്രവേശിക്കുക, സാനിറ്റൈസര് ഉപയോഗിക്കുക, പള്ളിയില് അകത്തേക്ക് കയറുന്നതും തിരിച്ചിറങ്ങുന്നതും രണ്ട് വഴികളിലൂടെയായി ക്രമീകരിക്കുക തുടങ്ങിയവയാണ് നിര്ദേശങ്ങള്. വിവിധ സംഘടനാ നേതാക്കള് പങ്കെടുത്ത യോഗം മുക്കം ഉമ്മര് ഫൈസി നിയന്ത്രിച്ചു.
Read Also: സംസ്ഥാനത്തെ റേഷന് വിതരണം താളംതെറ്റി; ആരോപണവുമായി റേഷന് വ്യാപാരികളുടെ സംഘടന