കോഴിക്കോട്: കൂടരഞ്ഞി കൂമ്പാറയിൽ വൻ കഞ്ചാവ് വേട്ട. 10.5 കിലോ കഞ്ചാവുമായി മൂന്ന് മലപ്പുറം സ്വദേശികളെ എക്‌സൈസ് സംഘം അറസ്‌റ്റ് ചെയ്‌തു. മലപ്പുറം കാളികാവ് സ്വദേശികളായ സുഫൈൽ, മുഹമ്മദ് ഹാഷിർ, ഷിബിൻ ചന്തക്കുന്ന് എന്നിവരാണ് പിടിയിലായത്.
ഇവർ സഞ്ചരിച്ച കാറിന്റെ ഡിക്കിയിൽ ഒളിപ്പിച്ചുവെച്ച നിലയിലായിരുന്നു കഞ്ചാവ്. നാട്ടുകാരുടെ സഹായത്തോടെയാണ് കഞ്ചാവ് സംഘത്തെ പിടികൂടിയത്. ഇവരെ ചോദ്യം ചെയ്‌ത്‌ വരികയാണ്. കഞ്ചാവ് എവിടെ നിന്ന് എങ്ങോട്ട് കൊണ്ടുപോകുന്നു തുടങ്ങിയ വിവരങ്ങൾ പ്രതികളിൽ നിന്ന് ലഭ്യമാകാനുണ്ട്.
മഞ്ചേരി എക്‌സൈസ് കമ്മീഷണർ, സ്‌ക്വാഡ് ഇൻസ്‌പെക്‌ടർ മുഹമ്മദ് ഷഫീക്, മഞ്ചേരി റേഞ്ച് ഇൻസ്‌പെക്‌ടർ വിപി ജയപ്രകാശ്, അസി. ഇൻസ്‌പെക്‌ടർ ടി ഷിജുമോൻ എന്നിവരുടെ നേതൃത്വത്തിലാണ് സംഘത്തെ പിടികൂടിയത്.
Most Read: കിടപ്പാടത്തിനായി നൂറുദിവസം പോരാട്ടം; ദളിത് കുടുംബങ്ങളുടെ സമരം ഒത്തുതീർപ്പായി
