രാജപുരം: ഒടയംചാൽ പാക്കത്ത് കെഎസ്ആർടിസി ബസിൽ ബൈക്കിടിച്ച് വിദ്യാർഥിയുൾപ്പടെ രണ്ടുപേർക്ക് പരിക്ക്. പെരിയ നാലേക്ര ചെങ്ങറ പുനരധിവാസ കോളനിയിലെ പ്രസന്നന്റെ മകൻ പ്രേംരാജ് ചന്തു (21), കല്യോട്ട് ഗവ. ഹയർ സെക്കണ്ടറി സ്കൂൾ പ്ളസ് ടു വിദ്യാർഥി ലിജു തോമസ് (17) എന്നിവർക്കാണ് പരിക്കേറ്റത്.
പാക്കം ബസ് സ്റ്റോപ്പിന് സമീപം ഞായറാഴ്ച രാവിലെയാണ് അപകടം. പരപ്പയിൽ ഫുട്ബോൾ മൽസരത്തിൽ പങ്കെടുക്കാൻ പോവുകയായിരുന്നു ഇരുവരും. ഇരിട്ടിയിൽനിന്ന് കാഞ്ഞങ്ങാട്ടേക്ക് പോവുകയായിരുന്ന ബസിൽ നിയന്ത്രണം വിട്ട ബൈക്ക് ഇടിക്കുകയായിരുന്നു. ഇടിയുടെ ആഘാതത്തിൽ റോഡിന് പുറത്തേക്ക് വീണ ഇരുവരെയും ജില്ലാ ആശുപത്രിയിൽ പ്രവേശിപ്പിച്ചു.
Also Read: മോദിയ്ക്കെതിരെ മുദ്രാവാക്യം എഴുതിയ കാർ കസ്റ്റഡിയിൽ; ഡ്രൈവർ രക്ഷപെട്ടു