തിരുവനന്തപുരം: കേരളത്തിലെ തിരഞ്ഞെടുപ്പ് പ്രചരണത്തിനായി ബിജെപിയുടെ ദേശീയ നേതാക്കളെത്തുന്നു. ഇക്കുറി താര പ്രചാരകർ തന്നെയാണ് കേരളത്തിലേക്ക് എത്തുന്നത്. ത്രിപുര മുഖ്യമന്ത്രി ബിപ്ളബ് കുമാറിലൂടെയാണ് തുടക്കം. ബിപ്ളബ് കുമാർ ഇന്ന് തലസ്ഥാനത്തെത്തും. തിരുവനന്തപുരം, വട്ടിയൂർക്കാട്, കാട്ടാക്കട, അരുവിക്കര തുടങ്ങിയ മണ്ഡലങ്ങളിലെ വിവിധ പ്രചാരണ പരിപാടികളിൽ അദ്ദേഹം പങ്കെടുക്കും.
പ്രധാനമന്ത്രി നരേന്ദ്രമോദി, കേന്ദ്രമന്ത്രിമാരായ അമിത് ഷാ, രാജ് നാഥ് സിംഗ്, സ്മൃതി ഇറാനി, യുപി മുഖ്യമന്ത്രി യോഗി ആദിത്യനാഥ് എന്നിവരും അടുത്ത ദിവസങ്ങളിൽ കേരളത്തിലേക്ക് വരുന്നുണ്ട്. ബിജെപിയുടെ ബാലികേറാമലയായ കേരളത്തിൽ ഇക്കുറി നേട്ടമുണ്ടാക്കുക എന്നത് ദേശീയ നേതൃത്വത്തിന്റെ കൂടി ആവശ്യമാണ്. ദക്ഷിണേന്ത്യയിൽ ബിജെപിക്ക് കരുത്ത് തെളിയിക്കാൻ കേരളം, തമിഴ്നാട് എന്നീ സംസ്ഥാനങ്ങളിലെ തിരഞ്ഞെടുപ്പുകളിൽ ഭേദപ്പെട്ട പ്രകടനം കാഴ്ചവെക്കേണ്ടത് അനിവാര്യമാണ് എന്നാണ് വിലയിരുത്തൽ.
Read Also: സ്പീക്കറുടെ വിദേശയാത്രാ വിവരങ്ങൾ അന്വേഷിക്കാൻ ഒരുങ്ങി ഇഡി