ലഖ്നൗ: ഉത്തര്പ്രദേശ് തിരഞ്ഞെടുപ്പില് ബിജെപി സ്ഥാനാര്ഥികള്ക്ക് വോട്ട് ചെയ്യരുതെന്ന് കര്ഷക സംഘടനയായ ഭാരതീയ കിസാന് യൂണിയന്. തങ്ങൾക്ക് രാഷ്ട്രീയം ഇല്ല, എന്നാൽ ഒരാൾ പോലും ബിജെപിക്ക് വോട്ട് ചെയ്യരുതെന്നാണ് അഭ്യർഥനയെന്ന് കിസാൻ യൂണിയൻ പറഞ്ഞു.
‘യുപിയിലെ തിരഞ്ഞെടുപ്പിനെ കുറിച്ച് പറയുമ്പോൾ, ബികെയു ഒരു രാഷ്ട്രീയ സംഘടനയല്ലെന്ന് പറയാന് ആഗ്രഹിക്കുന്നു. ഞങ്ങള് രാഷ്ട്രീയത്തിലേക്ക് ഇറങ്ങുന്നില്ല, എന്നാല് ബിജെപിക്കൊഴികെ മറ്റേതെങ്കിലും പാര്ട്ടിക്ക് വോട്ട് രേഖപ്പെടുത്തണമെന്ന് അഭ്യര്ഥിക്കുന്നു. ബിജെപി പിന്തുണക്കുന്ന സ്ഥാനാര്ഥികളൊഴികെ ആര്ക്കെങ്കിലും ജനങ്ങള് വോട്ട് രേഖപ്പെടുത്തണം’, ബികെയു പുറത്തിറക്കിയ പത്രക്കുറിപ്പില് പറയുന്നു.
നിയമസഭാ തിരഞ്ഞെടുപ്പ് നടക്കുന്ന സംസ്ഥാനങ്ങളില് കര്ഷക സംഘടന പ്രതിനിധികളെത്തി ബിജെപിക്ക് വോട്ട്ചെയ്യരുതെന്ന് ജനങ്ങളോട് അഭ്യര്ഥിച്ചിരുന്നു.
Read also: യുവാവിന് നൽകിയത് വ്യത്യസ്ത വാക്സിനുകൾ; പാർശ്വഫലം ഉണ്ടാവില്ലെന്ന് മെഡിക്കല് ഓഫീസര്