മലപ്പുറം: പൊന്നാനിയിൽ അതിർത്തി തർക്കത്തെ തുടർന്ന് 62കാരനെ അയൽവാസികൾ ചവിട്ടി കൊന്നു. പൊന്നാനി ഗേൾസ് സ്‌കൂളിന് സമീപം പത്തായപറമ്പ് സ്വദേശി സുബ്രഹ്‌മണ്യൻ എന്ന മോഹനനാണ് (62) മരിച്ചത്. ഇന്ന് ഉച്ചയോടെ അയൽവാസികളും സുബ്രഹ്‌മണ്യന്റെ വീട്ടുകാരും തമ്മിൽ വാക്കേറ്റമുണ്ടായിരുന്നു. തുടർന്ന് നടന്ന സംഘർഷമാണ് മരണത്തിൽ കലാശിച്ചത്.
സുബ്രഹ്‌മണ്യനും ബന്ധുക്കളായ അയൽവാസികളും തമ്മിൽ വർഷങ്ങളായി വഴിയെ ചൊല്ലി തർക്കം നിലനിൽക്കുന്നുണ്ട്. സംഭവത്തിൽ തിരൂർ കോടതിയിൽ കേസും നടന്നുവരികയാണ്. ഇതിനിടെയാണ് ഇന്ന് ഉച്ചയോടെ അയൽവാസികളും സുബ്രഹ്‌മണ്യന്റെ വീട്ടുകാരും തമ്മിൽ വാക്കേറ്റമുണ്ടായത്.
തുടർന്ന് പ്രകോപിതരായ അയൽവാസികൾ സുബ്രഹ്‌മണ്യനെ ചവിട്ടി പരിക്കേൽപ്പിക്കുകയായിരുന്നു. പരിക്കേറ്റ സുബ്രഹ്‌മണ്യനെ പൊന്നാനി താലൂക്ക് ആശുപത്രിയിൽ എത്തിച്ചിരുന്നെങ്കിലും മരിച്ചിരുന്നു. സംഭവത്തിൽ പൊന്നാനി പോലീസ് കേസെടുത്തു.
Most Read: യുക്രൈനില്‍ കുടുങ്ങിയ ഇന്ത്യക്കാരുടെ യാത്ര സൗജന്യം; കേന്ദ്ര സർക്കാർ
