ചവറ, കുട്ടനാട് ഉപതെരഞ്ഞെടുപ്പുകള് സംബന്ധിച്ച് സംസ്ഥാനത്തെ മുഖ്യ തെരഞ്ഞെടുപ്പ് ഓഫീസര് ടിക്കാറാം മീണയുമായി തെരഞ്ഞടുപ്പ് കമ്മീഷന് ഇന്ന് ചര്ച്ച നടത്തും. ഇത് സംബന്ധിച്ച് കേന്ദ്ര തെരഞ്ഞെടുപ്പ് കമ്മീഷന്റെ തീരുമാനം ഇന്നുണ്ടാകും.
സംസ്ഥാനത്തെ പ്രത്യേക സാഹചര്യം കണക്കിലെടുത്ത് ഉപതെരഞ്ഞെടുപ്പുകള് ഒഴിവാക്കണമെന്ന് സര്വ്വകക്ഷി യോഗത്തിലെ തീരുമാനത്തിന്റെ അടിസ്ഥാനത്തില് സര്ക്കാര് കമ്മീഷനോട് ആവശ്യപ്പെട്ടിട്ടുണ്ട്. സംസ്ഥാനത്തിന്റെ ആവശ്യത്തോട് അനുകൂലമായ തീരുമാനം ഉണ്ടാകാനാണ് സാധ്യത. കഴിഞ്ഞ ദിവസം സി.എഫ് തോമസ് എംഎല്എ അന്തരിച്ചതോടെ സംസ്ഥാനത്ത് മൂന്ന് സീറ്റുകളാണ് നിലവില് ഒഴിവ് വന്നിരിക്കുന്നത്.
കേരളം ഉള്പ്പെടെ നാല് സംസ്ഥാനങ്ങളാണ് ഉപതെരഞ്ഞെടുപ്പ് ഒഴിവാക്കണമെന്ന ആവശ്യം മുന്നോട്ട് വെച്ചിരിക്കുന്നത്. ഈ സാഹചര്യത്തില് സംസ്ഥാനങ്ങളുടെ വാദം ശരിയാണെന്ന് കമ്മീഷന് പറഞ്ഞിരുന്നു. ബീഹാര് നിയമസഭാ തെരഞ്ഞെടുപ്പ് തീയതി പ്രഖ്യാപിക്കവെ ആയിരുന്നു കമ്മീഷന് ഇക്കാര്യം അറിയിച്ചത്.
Also Read: കോവിഡ് പ്രതിരോധം ചര്ച്ച ചെയ്യാന് സര്വ്വകക്ഷി യോഗം ഇന്ന്