കൊടുവള്ളി: കോഴിക്കോട് നരിക്കുനി ചാമ്പാട്ട് മുക്ക് മടവൂർ റോഡിലെ അൾ താമസമില്ലാത്ത വീട്ടിൽ നിന്നും 17.4 കിലോ കഞ്ചാവ് കണ്ടെടുത്തു. 8 ചെറിയ ചാക്കുകളിലായി കെട്ടിവെച്ച നിലയിലായിരുന്നു കഞ്ചാവ്. നഗരത്തിൽ താമസിക്കുന്ന വീട്ടുടമ പറമ്പിൽ ജോലിയെടുക്കാനായി വന്നപ്പോഴാണ് ചാക്കുകൾ കണ്ടത്. ഉടനെ പോലീസിൽ വിവരം അറിയിക്കുകയായിരുന്നു.
റൂറൽ എസ്പി ഡോ. ശ്രീനിവാസന്റെ നിർദേശാനുസരണം കൊടുവള്ളി പോലീസ് ഇൻസ്പെക്ടർ ടി ദാമോദരന്റെ നേതൃത്വത്തിൽ എസ്ഐമാരായ എൻ ദിജേഷ്, എംഎ രഘുനാഥ്, എഎസ്ഐ ടി സജീവ് എന്നിവർ സ്ഥലത്തെത്തി. പ്രതികൾക്കായി അന്വേഷണം ഊർജിതമാക്കിയതായി സിഐ അറിയിച്ചു.
Read also: മഴ ശക്തമാകുന്നു; എലിപ്പനി ഉൾപ്പടെയുള്ള രോഗങ്ങൾക്ക് സാധ്യത, ജാഗ്രത വേണമെന്ന് ആരോഗ്യമന്ത്രി