തിരുവനന്തപുരം: സമരങ്ങൾക്കിടെ പൊതുമുതൽ നശിപ്പിച്ച എസ്എഫ്ഐ നേതാക്കൾക്കെതിരെയുള്ള കേസുകൾ പിൻവലിക്കണമെന്ന് സർക്കാർ. ശിവരഞ്ജിത്, നസീം എന്നിവർ പ്രതികളായ രണ്ട് കേസുകൾ പിൻവലിക്കണമെന്നാണ് സർക്കാർ ആവശ്യപ്പെട്ടിരിക്കുന്നത്. യൂണിവേഴ്സിറ്റി കോളേജ് കത്തിക്കുത്ത് കേസ്, പിഎസ്സി തട്ടിപ്പ് കേസ് എന്നിവയിലടക്കം പ്രതികളാണ് ശിവരഞ്ജിത്തും നസീമും.
Also Read: കെ എം ഷാജിക്കെതിരായ ഇ ഡി അന്വേഷണം; ലീഗ് നേതാക്കളുടെ മൊഴിയെടുക്കും
തിരുവനന്തപുരം ജുഡീഷ്യൽ കോടതിയിലാണ് ഇത് സംബന്ധിച്ച അപേക്ഷ നൽകിയിരിക്കുന്നത്. എംഎൽഎമാരടക്കം പ്രതികളായ 73 കേസുകൾ പിൻവലിക്കണമെന്ന് ആവശ്യപ്പെട്ടും സർക്കാർ പലപ്പോഴായി അപേക്ഷകൾ നൽകിയിട്ടുണ്ട്. ഇവയിൽ ഭൂരിഭാഗവും പൊതുമുതൽ നശിപ്പിച്ച കേസുകളാണ്. നിയമസഭാ കയ്യാങ്കളി കേസ് പിൻവലിക്കണമെന്ന് ആവശ്യപ്പെട്ടും സർക്കാർ കോടതിയെ സമീപിച്ചിട്ടുണ്ട്.