ചെന്നൈ: കോവിഡ് വാക്‌സിൻ ക്ഷാമം നേരിടുന്ന തമിഴ്‌നാടിന് വീണ്ടും വാക്‌സിൻ അനുവദിച്ച് കേന്ദ്രം. ചൊവ്വാഴ്‌ച 6,16,660 ഡോസ് വാക്‌സിനുകളാണ് സംസ്‌ഥാനത്ത്‌ എത്തിച്ചത്. കനത്ത വാക്‌സിൻ ക്ഷാമം നേരിടുന്നുവെന്ന് തമിഴ്‌നാട് കഴിഞ്ഞയാഴ്‌ച കേന്ദ്രത്തെ അറിയിച്ചിരുന്നു. ഇതിന് പിന്നാലെ വെള്ളിയാഴ്‌ച 3.65 ലക്ഷം കോവിഷീൽഡ്‌ വാക്‌സിൻ അനുവദിച്ചിരുന്നു. ഇതിന് പിന്നാലെയാണ് ആറര ലക്ഷം വാക്‌സിൻ കൂടി അനുവദിച്ചത്.
കോവിഡ് വാക്‌സിനേഷനിൽ തമിഴ്‌നാട് വളരെ പിന്നിലാണെന്ന് റിപ്പോർട്ടുകൾ പുറത്ത് വന്നിരുന്നു. സംസ്‌ഥാന ജനസംഖ്യയുടെ 9 ശതമാനത്തിന് മാത്രമാണ് ഇതുവരെ വാക്‌സിൻ നൽകിയതെതെന്നാണ് കണക്കുകൾ സൂചിപ്പിക്കുന്നത്. ജനസംഖ്യാനുപാതം പരിഗണിച്ചല്ല കേന്ദ്രം വാക്‌സിൻ വിതരണം ചെയ്‌തതെന്ന് തമിഴ്‌നാട് ആരോപണം ഉന്നയിച്ചിരുന്നു. സംസ്‌ഥാനത്തെ 37 ജില്ലകളിൽ 36 ഇടത്തും വാക്‌സിൻ ക്ഷാമം നേരിടുന്നതായി ആരോഗ്യവകുപ്പ് കഴിഞ്ഞദിവസം വെളിപ്പെടുത്തിയിരുന്നു. ഇതിന് പിന്നാലെയാണ് കൂടുതൽ വാക്‌സിൻ അനുവദിച്ചത്.
Read also: ഗ്രീൻ ഫംഗസ്; രാജ്യത്ത് ആദ്യം, രോഗബാധ ഇൻഡോറിലെ കോവിഡ് മുക്‌തനിൽ
