തിരുവനന്തപുരം: മുഖ്യമന്ത്രിയുടെ അഡി. പ്രൈവറ്റ് സെക്രട്ടറി സിഎം രവീന്ദ്രന് കോവിഡ് പോസിറ്റീവ്. ഇന്നു വന്ന പരിശോധന ഫലത്തിലാണ് കോവിഡ് പോസിറ്റീവ് ആയത്. ഇദ്ദേഹത്തിന് നാളെ ഇഡിയുടെ കൊച്ചി ഓഫീസില് ഹാജരാകാന് നോട്ടിസ് നല്കിയിരുന്നു.
Related News: ‘അന്വേഷണ ഉദ്യോഗസ്ഥര് വിളിക്കുമ്പോഴേക്ക് കുറ്റം ചാര്ത്തേണ്ടതില്ല’; രവീന്ദ്രന് വിഷയത്തില് മുഖ്യമന്ത്രി
അഡി. പ്രൈവറ്റ് സെക്രട്ടറി സിഎം രവീന്ദ്രനെ ഇഡി ചോദ്യം ചെയ്യുന്നതില് സര്ക്കാരിനു ആശങ്കയില്ലെന്ന് ഇന്ന് വാര്ത്താ സമ്മേളനത്തില് മുഖ്യമന്ത്രി പറഞ്ഞിരുന്നു. സിഎം രവീന്ദ്രന് വളരെ കാലമായി അടുപ്പമുള്ളയാളാണ്. അദ്ദേഹത്തില് വിശ്വാസമുണ്ട്. അന്വേഷണ ഉദ്യോഗസ്ഥര് വിളിക്കുമ്പോഴേക്ക് കുറ്റം ചാര്ത്തേണ്ട കാര്യമില്ലെന്നും മുഖ്യമന്ത്രി പറഞ്ഞിരുന്നു. ഇന്നലെയാണ് ഇഡിയുടെ ഓഫീസില് ഹാജരാകാന് സിഎം രവീന്ദ്രന് നോട്ടീസ് ലഭിച്ചത്.