മലപ്പുറം: വള്ളിക്കുന്നിൽ നടന്ന തദ്ദേശ തിരഞ്ഞെടുപ്പ് അവലോകന യോഗത്തില് കോണ്ഗ്രസ് പ്രവര്ത്തകര് ഏറ്റുമുട്ടി. രണ്ടുപേര്ക്ക് പരിക്ക്. ശനിയാഴ്ച രാവിലെ അരിയല്ലൂര് ജങ്ഷന് സമീപത്തെ ഹോട്ടല് ഓഡിറ്റോറിയത്തിലാണ് സംഭവം. നേതാക്കളായ ടിപി ഗോപിനാഥ്, അജീഷ്, വീക്ഷണം മുഹമ്മദ് എന്നിവരുടെ സാന്നിധ്യത്തിലായിരുന്നു സംഘര്ഷം നടന്നത്.
വള്ളിക്കുന്ന് പഞ്ചായത്തിൽ കോണ്ഗ്രസ് സ്ഥാനാര്ഥികള് പരാജയപ്പെട്ടതിനെ കുറിച്ച് യോഗത്തിലുണ്ടായ സംസാരം വാക്കേറ്റത്തില് കലാശിക്കുകയായിരുന്നു. ബഹളമായതോടെ അധ്യക്ഷന് യോഗം പിരിച്ചുവിട്ടു. സംഘര്ഷത്തില് പരിക്കേറ്റ ഉള്ളിശ്ശേരി വിനോദ്, ഉള്ളിശ്ശേരി മോഹനന് എന്നിവരെ തിരൂരങ്ങാടി താലൂക്ക് ആശുപത്രിയില് പ്രവേശിപ്പിച്ചു.
Read also: എല്ഡിഎഫുമായി സഖ്യമുണ്ടാക്കിയ ബിജെപി മെമ്പര്മാർക്കെതിരെ നടപടി