ന്യൂഡെൽഹി: കോൺഗ്രസിന്റെ ‘ഭാരത് ജോഡോ’ യാത്ര ഒക്ടോബർ 2ന് ആരംഭിക്കും. കോൺഗ്രസ് എംപി രാഹുൽ ഗാന്ധി നയിക്കുന്ന ‘ഭാരത് ജോഡോ’ യാത്ര രാജ്യത്തെ 12 സംസ്ഥാനങ്ങളിലൂടെയും 2 കേന്ദ്രഭരണ പ്രദേശങ്ങളിലൂടെയും കടന്നു പോകും.
കന്യാകുമാരി മുതൽ കശ്മീർ വരെയാകും ‘ഭാരത് ജോഡോ’ പദയാത്ര നടത്തുകയെന്നും 3500 കിലോ മീറ്റർ പദയാത്രയിൽ എല്ലാ പ്രധാനപ്പെട്ട നേതാക്കളും പങ്കെടുക്കുമെന്നും കോൺഗ്രസ് നേതാവ് ജയ്റാം രമേശ് വിശദീകരിച്ചു. 148 ദിവസം നീണ്ടു നിൽക്കുന്ന യാത്രയിൽ 18 ദിവസം കേരളത്തിലൂടെ ആകുമെന്നും ജയ്റാം രമേശ് അറിയിച്ചു.
അതേസമയം, നാഷണൽ ഹെറാൾഡ് കേസിൽ സോണിയ ഗാന്ധിയെ ഇഡി ചോദ്യം ചെയ്യുന്ന ദിവസം, ശക്തമായ പ്രതിഷേധം ഉയർത്താനാണ് കോൺഗ്രസ് തീരുമാനം. എംപിമാർ ഡെൽഹിയിൽ പ്രതിഷേധിക്കും. ഡെൽഹിയിലും എല്ലാ സംസ്ഥാന തലസ്ഥാനങ്ങളിലും കോൺഗ്രസ് പ്രവര്ത്തകര് പ്രതിഷേധിക്കും. 25,000ൽ കുറയാത്ത പ്രവർത്തകരെ പ്രതിഷേധത്തിൽ പങ്കെടുപ്പിക്കുമെന്നും ദ്വിഗ് വിജയ് സിംഗ്, ജയ്റാം രമേശ് എന്നിവര് വാര്ത്താ സമ്മേളനത്തിൽ അറിയിച്ചു.
Congress party’s Bharat Jodo Yatra to begin on 2nd October under the leadership of Rahul Gandhi. The 148-day long yatra will be undertaken from Kanniyakumari to Kashmir. Every day 25 kilometers of padyatra will be undertaken.
— ANI (@ANI) July 14, 2022
Most Read: ബഫർ സോൺ; കേരളം സുപ്രീം കോടതിയിലേക്ക്, കേന്ദ്രം അനുകൂലമെന്നും എകെ ശശീന്ദ്രൻ